الشاعر حاسن العمري الحربي وقصيده جميله

[ربعي شبابه]

السلام عليكم ورحمة الله وبركاته

لقد نقلت هذه القصيده الرائعه للشاعر حاسن العمري

لأني رأيت البعض يكتب أبيات منها وينسبها لمجهول

أو ينسبها لنفسه وأنا لا ألومهم لما في هذه القصيده من أبيات تحاكي واقعنا

وجميله وأقول لكل من تسمح له نفسه بهذا اتق الله فهذه حقوق ادبيه والقصيده تعرف شاعرها

ولمن لا يعرف شاعرها فهو الشاعر حاسن العمري الحربي

من أهل المدينه المنوره

وحصريا لمنتداكم الرائع ولأول مره تنشر هذه القصيده

وفيما يلي القصيده كامله



قالو تكلم قول وش فيك وش صار
وش غيرك وش قصتك وش جرالك

قلت السكوت احسن من طوال و اقصار
ما في طوال الهرج غير المهالك

روح زمان المعرفه واخذ الاشوار
هاذا الزمن ما يفيدك الا ريالك

المال تلقابه معزه ومقدار
ويقاس مقدارك على راس مالك

لو كان مايفرح بك الضيف والجار
مادام راعي مال ابو زيد خالك

والفقر قيد وهموم واحزان وحصار
تمسي وتصبح من حصاره لحالك

كنك مقطع مالك يمين يسار
واجابتك ترفض ويرفض سؤالك

والحاجه الموت الحمر ذل الاحرار
لو انها عند الرضي من عيالك

والضلم لا ناطح جمايلك الانكار
ويمناك مخفي مابها عن شمالك

ان قلتها قالو خطا بحت الاسرار
واليا سكت يضيق الهرج بالك

والصادق الي يصدق بكل الاخبار
تبغاه يكذب قوله كيف حالك

يقولك طيب لو انه على نار
مادام منته نافعه لو حكالك

والمعذره ماني معلم بما سار
ولا ودي احد يقولي كيف حالك


أتمنا أن تنال أعجابكم

[إبن ثعلي]

صح السان الشاعر حاسن العمري على هذه القصيدة الرائعه
ولاهنت ياربعي شبابه على ايرادها

[ربعي شبابه]

المشاركة الأصلية كتبت بواسطة إبن ثعلي صح السان الشاعر حاسن العمري على هذه القصيدة الرائعه ولاهنت ياربعي شبابه على ايرادها

صح بدنك يا ابن ثعلي

وتسلم على المروووووووووووووور العطر

[اصايل]

يعطيك العافيه ..

وتسلم ع النقل ..

[هماليل نجد]

صح لسان الساعر وسلمت يمينك

الله يعافيك على النقل الرائع

بارك الله فيك لاااااااهنت