مرحوم ياللي يندهونه ببندر

[من سناعيس حايل]

الله كتب فرقاك هذا المقدّر
واللي كتب رب البشر مالنابه


النفس وده مار قلبي تخدّر
قفل على مابه مزاليج بابه


جرحٍ لزا بالجوف للكبد فدّر
واشتم جرحه ثم قبّ الحشا به


شكاه ابن صلفيق رمحن تخندر
(يا ما سطابه يالعبيدي ذبابه)


وبعذر ابو نايف لو انه تكدّر
(اودع صناديق الضماير خرابه )


ولوف قلبي لوف سيل(ن) تحدّر
لا لاف قاع(ن) دزّ عنها ترابه


على وليف لا تأخرت بدّر
واليا نشدته ماتأخر جوابه


علمي بدمعه فوق خدّه تحدّر
النفس قفّت والخفوق التوابه


حبه ترك قلبي بصدري مجنّدر
لما توكد من غلااه وعثابه


مرحوم ياللي يندهونه ببندر
متنبي عتيبه عظيم(ن) جنابه


اللي مشى في نجد ياما تسندر
نط الهضاب وكل ضلعٍ رقابه



يقول سرك وسط صدرك اليا درّ
حذرا تحلبه لا يجي من حكابه



محمد منصور بن رمال

[سعد الفراهدي]

صح اللسان وسلم البنان

[اصايل]

الله يرحمه ويرحم موتانا والمسلمين

صح لسانك ..

لاهنت ..

[البعير]

صح السانك

[جهز الهرس]

صح لسانك
يابن رمال قصيده جميله
ولاهي غريبه منك والله يرحم بندر

[؛؛ابو ريناد؛؛]

هلابك يالسنعوسي
ولو أني مدري انت (تغزل) ولا ( توجد)

يقول سرك وسط صدرك اليا درّ
حذرا تحلبه لا يجي من حكابه ؟؟

إذا كان هذا البيت من نظم بندر فلدي اعتراض عليه
وأن كانه من نظمك فمن أجمل ابيات القصيده

تحيتي وتقديري لقلمك وتواجدك
ووجهت نظر فقط يالقرم

[ـآلبتـول]

؛




رحمه الله
وصحح لسانك وعلآ شآنك

؛’