قصيده مسنده الى صقر بن سلطان والنفعه وبرق وعموم عتيبه الهيلا

[ابوتركي العنزي]

يشهد الله على محبتي لكم يالعتبان وانكم مفخره وتعجز الاقلام عن انصافكم فانتم بحق عز رجل عرفكم والطيب كل يفخر به وانا سميتكم(شمس العرب) وهذه القصيده اسندتها على الاخ الفاضل:صقر بن سلطان بن سعود النفيعي وياليت اذا ماعليكم كلافه ابي احد الاداره ينسقها وعساكم على القوه
مقدمه:
من حقي افخر بالرجال المطاليق*وبعتيبه الهيلا يزيد افتخاري
**
اتركم مع القصيده مع العلم اني مقل جدا في كتابه الشعر لعدم توفر الوقت وعساكم تدمحون ماقد لايرضي ذائقتكم
===============================================
بـعـض الـعـرب مــاذاق لطـيـب فنـجـال****وبعض العـرب شـارب مـن الطيـب دلـه
ونفـيـع بــن رايــق مخـلـف لــه رجـــال****يـسـعـد مـنـهـم بـالـقــا مــحــزم لــــه
خـلــف شــيــوخ للمـنـاعـيـر مــدهــال****مـثـل الـكـريـم الـــي لـفـيـت لمـحـلـه
اهل الشيم وهل الكرم ساس الابطال****دون الـخــوي يـفــدون بـالـعـمـر كــلــه
تـرفـع لـهـم بيـضـا عـلـى راس مـاطـال****افـعـالـهـم كــبــر الـجــبــال الـمـطـلــه
يــوم الـوغـى والـخـوف للنـفـس قـتـال****يامـن بـهـم رجــل(ن) هجـوسـه تتـلـه
ويـوم البطـن جوعـه للاجسـام ســلال****بـيــت النفـيـعـي بـيـنـن فــــوق تــلــه
ولا دخــيــل الـبـيــت مــاجــاه ولــــوال****دونــه صغـيـر الـبـيـت سـيـفـه يـسـلـه
والسيـف ابـو شـذره لـلارقـاب شـيـال****راس العـدو مــن بـيـن الامـتـان شـلـه
وخـيـالـهـم يــــدرك ثـمـانـيـن خــيـــال****يـاكـم سـبـع(ن) بـالـخـلا داعـيــن لـــه
تاريخـهـم يشـهـد لـهـم يــوم الاهــوال****الـعــز والـنـومـاس بــرقــا هــلــن لــــه
ومـادام عنـدي مــن ولــد بــرق حــلال****ماهـمـنـي كــثــر الـمـشـاكـل وقــلــه
بـرق الكـرم بـرق الـوفـا بــرق الافـعـال****اهـــل الـعـلــوم الـغـانـمـات الـمـظـلـه
بــرق القـنـا والخـيـل والــراس وعـقـال****مسكـانـهـم جـنــب الـقـمـر والاهــلــه
بــرق الامــن والـخـوف والـحـر وظــلال****بــــرق البحر والــمــوج لازام خــلـــه
وكـم بالقبـايـل مــن طحاطـيـح وبـطـال****وكــل(ن) وتـاريـخـه لـهــم شاهـدنـلـه
وســـلام ربـــي عـــد مــاكــال كــيــال****يــــم الــــذي درب الـمـراجــل يــدلـــه
صـقــر الـطـنـا والـجــود لـقــال مـاقــال****لاقــال بــن سلـطـان هــرج(ن) وصـلـه
مــن وايـلـي(ن) مايـرافـق لـــه انـــذال****حـبــل الــوفــا مــايــوم بـلـغــدر فــلــه
وكـلـن عـلـى ماقـيـل يــا صـقـر رحــال****وتـبـقــى الـعـلــوم الـطـيـبـه لـلأخـلــه
ومـادام عنـدي مــن ضـنـا بــرق رجــال****ماهـمـنـي كــثــر الـمـشـاكـل وقــلــه
الشاعر:سعود العنزي

[الصهد]

بـرق الكـرم بـرق الـوفـا بــرق الافـعـال****ا
هـــل الـعـلــوم الـغـانـمـات الـمـظـلـه
بــرق القـنـا والخـيـل والــراس وعـقـال****
مسكـانـهـم جـنــب الـقـمـر والاهــلــه

صح لسانك وبيض الله وجهك يالعنزي والله لايهينك وتسلم يمينك
ولا عليكم زود قصيدة جزله ووافيه وحياك الله بين اخوانك
وبمحلك والسلام عليكم ورحمه الله وبركاته دمت بخير

[ابوتركي العنزي]

صح بدنك اخوي الصهد وبيض الله وجهك ونتم تستاهلون كل خيروكل حرف سبكته يفتخر فيكم وبالشيخ صقر بن سلطان الذي حباه الله بصفات الكرام وكيف لايكون كذلك وهو حفيد الشيخ سعودبن قبلان النفيعي
اخوك سعود العنزي

[اصايل]

حياك الله في محلك ،،،

وصح لسانك ملايين يالعنزي

قصيده جزله ..

لاهنت

[عبدالله بن ذيب الدوسري]

صح لسانك يابوتركي العنزي ويستاهلون النفعه وعتيبه الهيلا
من فعل ايمانهم وعزالله انهم شمس العرب ووافي يابن وايل
لومنت طيب ماخاويت الطيبين وذكرت طيبهم
تحياتي لك

[فواز الحبردى]

بسم الله الرحمن الرحيم

حياك الله

وصح لسانك وعلى شانك

ولا عليكم زود


تقبل حترامي وتقديري

دمت بخير وعافيه