المعزب ،،

[عبدالعزيز الفرج]

لا ياحسام ما اقصد سيلنا ، سيلنا واضحة

لكن اللي اقصده أنا ان المشكلة في ( يشيل العلَم من عالي جباله )

[حسام الحجاز]

أجل مالك لوا

وانا لفتني كلامك ورحت إتكد

والبيت سليم وناخوك

[عبدالعزيز الفرج]

يمكن قصدك ( العِلْم ) وكذا يستقيم الوزن ؛ لكن اذا قصدك ( العلَم ) فـ يبي له اعادة ضبط

[حسام الحجاز]

إخوي عبدالعزيز ، المحاورة بردت

ون كنت فعلاً شاعر محاورة استخدمت هالطريقه للنقض في بيوتك

وانا ابخص في بيوتي ، واعتقد ماهي بلحيه محااوره

بعدين لو قريتها على الوجه الاول تقراها على الوجه الثاني

لكن صح الله لسانك وصح الله بدنك

[عبدالعزيز الفرج]

طيب غن البيت ونزله بالصوت اذا ماعليك امر

عشان تتضح الامور كلها

[{ أبوفيصل }]

المشاركة الأصلية كتبت بواسطة حسام الحجاز سيلنا جاكم يشيل العلم من عالي جباله .. البقى بالنايب اللي صورته وسط المجله صفقوله ياجماعة صاحبي يقصر حباله .. بعد ماجبنا العلوم الضافيات المسـتـقـلة

مرحبا بكم جميع شعار واكفاء دون أدنى شك
اخي حسام الحجاز رايي بحياديّه تامّه نعم كما تفضل الزميل عبدالعزيز اذا كان القصد >>>>>>>

لكن واصلو واصلو لاتوقفون

[حسام الحجاز]

يالربع ، ماهيب لحيه محاوره
وحنا نعرف متى يكون كسر ومتى يكون موزون

ماجينا نخمها على عماها

والمشكله يوم اقرا انك مشرف قسم المحاورات
ماعاد وراها شىء
وشلون انزلها صوت ؟

العطاوي .. المقصد واضح يعني قريتها على العلم ( اللي هو علم السعوديه او اي شىء ) مجرد مثال

ولا قريتها على ( العلوم اللي هي العلم ) ؟!

[عبدالعزيز الفرج]

ياحسام ياحسام الله يخليك ويصلحك


كيف ماتختلف اذا العلم ( مثل علم السعودية ) والا العلم ( العلوم ) !!!

الا تختلف ونص ، الاولى يصير خلل في البيت والثانية موزونة


ولو تقراه على اي شاعر بيقول لك هالكلام