..

[نادر النمر]

السلام عليكم ورحمة الله وبركاته

أبيات وصلتني من أخوي المبدع : محمد العصيمي

يقول :

[poem=font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

من عقب ماكنا نجي ( الجم )* ونروح = صرنا نتردد ل الشيش والمقاهي
يالدلبحي وش زود جروحي جروح = غير التي من شافها جاك فاهي
اللي سكنت ف اقصى المعاليق والروح = اللي غلاها ف الخفوق متراهي
منطوقها زود على قلبي الفوح = خص ٍ ل قالت جوف كاهو وكاهي
تبني صروح ماتعدنها صروح = في قلب منهو في هواها يضاهي
ولا محمد قد له ايام مفضوح = لو هو من صقور ٍ حرار ٍ دواهي
مايرتضي الذله ولا يرتضي البوح = وإله على صفقات الايام جاهي
بس الهوى ماله تواصيف وشروح = لو إن إلي مده وانا عنه لاهي
وش يستر القلب المعنى من النوح = وليلي غدى مابين شيشه وشاهي

[/poem]




الجم* = النادي

..

واقول :

[poem=font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

حي القصيد اللي لفآني على ( أوح ) = جدد معناتي وجرحي وآهي
الحب مجده مجد .. وصروحه صروح = ماتشوفني داله ولاهي وساهي
لاتشتكي ناطح على شخص منطوح = أنته مياهك فالمحبه ميااهي
الترف يامحمد بلا شك مسموح = مدام وصفه بين هالناس زاهي
ذكرتني بالزين ابو صوت مبحوح = ياحبني له كل مافيه رااهي
انا لاجيت الزين ماودي أروح = مانلام : زينه ياابيض الوجه باهي
( جرح المحبه مالنا فيه مصلوح ) = ماهوب شي ٍ يستحق التباهي
لاصار حب اثنين دامي ومجروح = وضاعوا مابين اثنين ناصح وناهي
وصارت على ماقيل طارح ومطروح = كب الدعاوي كلبوها كماااهي

[/poem]

مع خالص التقدير

.

[وجودك يكفي]

عليكم السلام ورحمة الله وبركاته

مساجله في منتهى الروعه .. صحت السنتكم وبيض الله وجيهكم

احترامي

[نادر النمر]

ولد ثابت : صح بدنك وهلا وغلا .. الروعه والله مرورك وحضورك .. لاعدمتك .

كل التقدير والاحتراااام ..

[عادل العصيمي]

هههههههه



ياسلام والله مبدعين وقصايد في الصميم وتحرك المشاعر


صح لسانك يانادر وصح لسان محمد


تحياتي لك يابطل


,

[رايـق]

نادر النمر

قصائد جزله

صح السنتكم

[اصايل]

قصيده ومجاراه رائعه

صح لسانكم جميع

لاهنت النمر ..



/


ليتك تختار عنوان بدال النقط :)