ياطير

[متعب بن طواله]

[frame="9 70"]

[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
يامغرّد الصبــــــح شاقتني مـــواويلــك=شكلك تغني طـرب يالشادي السالـي
بالله ياطـــير غني لـــي واغنـــي لـــك=اكيــد انـــا وانـــت نتشابــه بالاحـوالـي
خلـك قبالــي وانــا جــالس مـقـابيـلك=غـرد وانـا اشيل صــوت الــحزن مـوالي
اكيـــــد بـــرد العقارب مللك ليلـك=مثلــك تـــراني بعـــدمليت ولـــحــالـي
مسعـدك تلـفــح جناح الريش ويشيلك=تــرقـى نسيم الصبــاء وتحـــط بالعالي
لو تـفـقـه الناس تسبيــحــك وتهليلــك =كان اكثر الناس عنــها الغــي ينــزالــي
الـــلـــه كفل مونتك والرزق يسعـــي لـــك=وعن منة الخـلق تسرح بالخــلا الخالي
يوحي لقلـبك على ارزاقك وتـو حي لك =ماشلت هـــم الــدهر لو مزهبك خالي
تقضي حـــياتــك ولا ابتلـــت مناديلــك=صدر السماء يحضنك عن خبث الازوالي
ياطير عطني جناحينك و مـــالي لــك=ابي ارتــفــع لين ماعــاد انـظر الـوالي
وليا اعتليت السحاب شـوي واجي لـك=فـي مـوقــعٍ مــاوطــابه كـــل مخـتالـي
دعيت ربي دعى المـضـطر وادعي لك=عــالم خــفـى نيــتـك ومــقـدر اعمـالي
يامر على الوقت يصفي لي ويصفي لك=بامره يــدور الفـلك عن وضعنا الــحالـي
يفرج همومي وعشب الروض يزهي لك=الله هــو اللي كـــريم الـــمـــد ويسالي
[/poem]
[/frame]

[صمت الحزن]

صح لسانك وبيض الله وجهك كفيت ووفيت شاعرنا عساك على القوه يارب
بالنتظار المزيد من ابداعك

[وجودك يكفي]

صح لسانك مليووووووون يامتعب وبيض الله وجهك على الجزاله والإبداع


احترامي

[عبدالله المرشدي]

الله عليك يابن طواله

ابداع في ابداع

قصيده جميله لابعد الحدود

تحياتي لك

[فواز الحبردى]

بسم الله الرحمن الرحيم


بن طواله

بيض الله وجهك على هالنص الشامخ

تقبل حترامي وتقديري

دمت بخير وعافيه

[علي حسين اليمان]

صح لسانك
مناجاة رائعة للطائر

[متعب بن طواله]

[إبن ثعلي]

صح السانك يامتعب بن طواله قصيدة جزله لايعلى عليها من كافة الوجوه
لكن ودي ان شطر البيت(الله كفل مونتك والرزق يسعي لك) كان (الله كفل مونتك والرزق ياتي لك) فكلمة ياتي اسهل نطقاً واصح لغوياً من كلمة يسعي
وتحياتي لك

[اصايل]

كاااايفه ..

صح لسانك حتى ترضى ..

لاهنت

[الخال]

صح السانك يامتعب بن طواله قصيدة
جزله لايعلى عليها
وتحياتي لك