هذي قصيده لاخوي الشاعر (سابك ذهب) وهو عبدالرزاق بن مخلد الذيابي
يقول منهو يغرف الشعر بــ إغراش
,,,,,,,,,,,,, غرشة ذهب من بحر مافيه شِـكّه
سبك الذهب يحتاج له حرب وإهواش
,,,,,,,,,,,,, وقوّة عزم وإلــ كل قفل ٍ مفكّه
وطبع الحديد الصُلب غير البلَـكاش
,,,,,,,,,,,,, والبني رص إبلكّة ٍ مع إبلكّه
واللعب يبغى قرم ماهوب غشاش
,,,,,,,,,,,,, وإلياطلع ملزوم يطلع بالإكّه
من فاز في لعبه0يقولون له عاش
,,,,,,,,,,,,, يعيش منهو فاز في كل صكّه
مِن بَعدَها للشعر مغزى ومطراش
,,,,,,,,,,,,, إختار درب الحُب عن كل سكّه
بنت الرجال اللي من الطيب تعتاش
,,,,,,,,,,,,, ماهيب بنت اوغاد ولاّ شِلـكّه
ياهيه ياللي دونتس البُعد بطّاش
,,,,,,,,,,,,,انتي كويتيه0وانا وسط مكّه
بيني وبينتس حد0وإجبال0وأحراش
,,,,,,,,,,,,, وبيني وبين الموت يازين0تـَكّه
ماباقي الا شوي وآدش الإنعاش
,,,,,,,,,,,,, جاني يشيل الهمّ كاسه وجَـكّه
ولولا ظلوعي تمسك القلب0ينحاش
,,,,,,,,,,,,, مير الظلوع العوج صارت تظكّه
(قلبي كما الطيّار والبُعد مِنقاش)
,,,,,,,,,,,,, اللي برمية حظ0صاده وشَـكّه
كِذبه حقيرَه بين برنو ورشاش
,,,,,,,,,,,,, زَكّه (ياصحّاف الطراطير) زَكّــه
وصدَّقتها واثر الخبر ياعرب ماش
,,,,,,,,,,,,, صحّاف يكذب والقنابل تدِكّـــه
إعلام متهوّر وتفكير حشاش
,,,,,,,,,,,,, ياللي تجيب العلم بالصدق وَكّــه
ونرجع لموضوعك
ونرجع لموضوعك يبو رمش عكّــاش
,,,,,,,,,,,,, ياللي بقلبي لك مجالس ودَكّه
قرمَشت قلبي قرمَشَة كيس فشفاش
,,,,,,,,,,,,, بيدين طفله عاجزه لاتفكّـــه
مستانسه تضحك على طاش ماطاش
,,,,,,,,,,,,, والكيس بيديها بقوّه تحكّه
من بين اصابعها يخرفش تخرفاش
,,,,,,,,,,,,, وبسنونها تضغط عليه وتمكّه
ياهيه ياللي شوفْتِك برق وإرشاش
,,,,,,,,,,,,, الحُب ماكو من بلاويه فَـكّـه
ابا اسألَـك سؤال0هات الخبر كاش
,,,,,,,,,,,,, خلّك معي والعلم ذلحين ذَكّـــه
إشتقت لي؟ولاّ مخادع وبَكّــاش؟
,,,,,,,,,,,,, هات الخبر هاته برقمه ونِكّـه
ولو جيت لك يازين وإعروقي إعطاش
,,,,,,,,,,,,, انـتـه تفـك الباب؟ولاّ تصكّــه؟
آجيك انا ياجعل يفداني اللاش
,,,,,,,,,,,وإضرب على قلبي بشوقك وبَـكِّــه
اهم شي إتحطّ لي قلبك إفراش
,,,,,,,,,,,وعلى ضلوعك ظم صدري ورَ كِّـــه
والدمع له منديل0والجرح له شاش
,,,,,,,,,,,,, وللزبد ماعونِه0وللسمـن عِــكّه
وإختامها قلبي كما كيس فشفاش
,,,,,,,,,,,,, بيدين طفله عاجزه لاتفـكّــــه
| 
|
01-16-2012, 12:32 PM
]
الطرف الحنون 
العرض العادي
