عبدالله بن عمر شيخ المناعير :: والله ونعم بعزوةٍ تعتزيها

[محمد بن دغيم السميري]

[frame="9 80"]
[poem=font="simplified arabic,5,black,bold,normal" bkcolor="transparent" bkimage="" border="double,10,blue" type=0 line=0 align=center use=ex num="0,black""]
قالوا تمنّا مثل باق الشواعير=ويشنهي اغلى حاجةٍ تمتنيها
قلت المنا واجد وياوارد البير=انا اتمنّا الطيبه واشتهيها
واغلى المُنا طاعة ولي المقادير=قبل الممات وساعةٍ نحتريها
في ساعةٍ تبطل جميع المعاذير=ماتنفع الاعذار ياصانعيها
الساعه اللي مابعدها أيّ تدبير=ولابعدها حاجةٍ نرتجيها
إلاّ العفو والصفح عن كل تقصير=ودي بها والرب يقدر عليها
هاذي تعوّض عن جميع المخاسير=المنوه اللي كل مسلم يبيها
اخير من جمع الذهب والدنانير=اللي حساب الآخره مقتفيها
يكفي من الدنيا ولو خبزة شعير=مدام احصل حاجتي واقتضيها
اقزر ايامي بـ هالكون تقزير=والنفس عن درب العصاه احتديها
وشلون بالله تفرح النفس يامنير=وانا ادري ان الموت لازم يجيها
ماعندنا عن ساعة الموت تقرير=حتى قبل ميعادها نحتسيها
الروح زهره والزهر كله يصير=الى الفنا واجسامنا تكتسيها
اكفان ولحودٍ بليا فنانير=ارضٍ خلقنا الله منها وفيها
نمسي ونصبح مايجينا مسايير=غربة دهر واحبابنا مانجيها
لكن قبل الموت ابا انصحك ياعمير=نصيحةٍ لك خاطري مهتويها
بينك وبين الله لاتقطع السير=واحذر نوايا السوء لاتنتويها
وعساك ماتحتد مثلي على الغير=وتعيش بأحسن حالةٍ ترتضيها
ولاتعرض مثلنا للأعاصير=اذكر علومٍ خاطري مانسيها
يوم الفقر والفقر نقمه وتعزير=وحكايته مدري منين ابتديها
مرارته فيها للأحرار تدمير=فرقاه بالموت الحمر نشتريها
تعصف بي الذكرى وبعض التفاكير=مرّه سوات الصبر ياشاربيها
ليا طرت لي تطرد النوم ويطير=دنياً على الله ياعمر اشتكيها
ماودي اسبب لخاطرك تعكير=خل الكوايا فيّ لاتكتويها
وانته بخير وخالك بخير وامير=اوصيك لازم طاعته وامش فيها
عبدالله بن عمر شيخ المناعير=والله ونعم بعزوةٍ تعتزيها
ليا نخيته ماتعذر بتبرير=حاجتك لوهي كايده يحتميها
يعرف حقوق الله ويرسي كما النير=والطيبه بأغلى الثمن يشتريها
الله ينوّر قبر ابا الشيخ تنوير=واعلى الجنان برحمته يرتقيها
وياعمر لاتسمع لنفاخة الكير=اللي عطوبي سكةٍ ماأنتسيها
ولاصحيت الا على خير ياطير=طبّاخ فاس ٍ خيّبت طابخيها
اهل العلوم مزيّنين الدواكير=اخواننا بالزور تبت يديها
الخوّه اللي مالها ايّات تفسير=منها الضرر والخير يحرم عليها
مسخهم الخالق قرود وخنازير=مجموعة الاوفل ومن يتليها
حديثهم كله ظلايم وتزوير=اقوالهم نفس الابي تزدريها
لعل موتاهم بحفرة زمهرير=واحياهم الله بالمحن يبتليها
صدقتهم وانا على نيّة الخير=والنيّه اللي تنحرف ماأقتنيها
انوي نوايا اهل الوجيه المسافير=واثر إعملاي اهدافهم مغتشيها
جورٍ يفجر صم الاحجار تفجير=يهدم جبال طويق واللي يليها
لأهدافهم ماكان عندي معايير=واقدار ربي مستحيل اتّقيها
يمررون اسوأ المقاصيد تمرير=ولها بروتوكول لمعمّميها
ولها خبير إخراج فني وتصوير=ومعالجاتٍ من قبل مخرجيها
مسبوقةٍ بأعلان عند الجماهير=اللي توامى روسها وتحكيها
ولها وكالاتٍ نشيطه وتصدير=وطيور شلوى من جهل يشتويها
لولا الحكومه قطّعونا الجزازير=الله يعز المملكه ويحميها
في ظل حكام البلاد المشاهير=ملوكنا اللي بالدماء نفتديها
آل السعود منزحين الطوابير=صفوة ملوك ٍ ربنا مصطفيها
[/poem]

عذراً على الإطاله

[/frame]

[اصايل]

الله الله

كفيت ووفيت

قصيده كلها حكم وعضه ومدح ...

لله درك

صح لسانك يالسميري

لاهنت ..

[وجودك يكفي]

صح لسانك يامحمد وبيض الله وجهك على القصيده الوافيه والجزله

احترامي

[رغدالشيباني]

محمد السميري

صح الله إلسانك ملايين

جزله من شاعر عوّدنا على الجزاله

تقديري

[نايف تراحيب]

لا إله إلا الله ،

صح لسآنك × صح لسآنك ،

ما شاء الله تبارك الرحمن .. الله لا يضرك ولله درك ،

والله ان التعبير يصعب امام هذا الإبداع ،

إعجابي + إحترامي + تقديري


/


،

[ناصر بن سعدي]

شاعرنا الجميل والرائع

محمد بن دغيم

لله درك .. ونص من واقع تجارب ..

سبك وحبك .. ونتاج تجارب الحياة التي بكل تأكيد يستفيد منها القارئ ..


صح لسانك واللي يحفظ لك ماعطاك ..

ودمت بكل خير ,,

[شـوآق]

محمد بن دغيييم


صح لسسسسانك ملايييين ولايسسسدون
اششهد بالله انها كايفه وانت كايف



الله لايضرك .,
تثبت لـ يستفيد منها كل زائر لـ عتيبه



تحيتي لـ سموك

[محمد بن دغيم السميري]

[frame="7 80"]

الاخوه والاخوات:الموقرين الذين تشرفت بإطلاهم على النص وهم
اصايل
وجودك يكفي
رغد الشيباني
نايف ترحيب
ناصر سعدي
شوآق
اشكر لكم مروركم العطر وثنائكم الجميل على القصيده ونظراً لضيق الوقت فقد إضططرت لجمع اسمائكم في ردي عليكم وأسأل الله ان يجمع قلوبنا على المحبه وافيد حضراتكم بأن القصيده هذه لم تكن من وحي الخيال ولم ادخل عليها من محسنات الشعر شيء يذكر إنما اتت على رسلها كما املتها عليّ ظروف واحداث ليس هذا مكاناً لذكرها.اخواني النص هذا ماهو الاّ ترجمه لتجربه مريره عايشت احداثها المؤلمه والمحزنه الى الحد الذي لايطاق..وصدق القائل:

[poem=font="simplified arabic,4,black,bold,italic" bkcolor="transparent" bkimage="" border="double,10,blue" type=0 line=0 align=center use=ex num="0,black""] وظلم ذوي القربى اشدُ مضاضةً=على الحر من وقع الحسام المهندِ[/poem]

ختاماً:حسبنا الله ونعم الوكيل

تقبلوا تحـــــ خوكم محمد بن دغيمـــ ــــياتي

[/frame]

[الشيخ فارس]

من روائع البوح صح السانك

[اصايل]

الاّ ترجمه لتجربه مريره عايشت احداثها المؤلمه والمحزنه الى الحد الذي لايطاق. حسبنا الله ونعم الوكيل

كان واضح الاحساس والمعاناه من خلال كلماتها اسأل الله ان يفرج همك اخي الكريم وان يبدل حزنك وهمك فرح ..
والمومن كل امره خير ان اصابته سرا شكر وان اصابته ضرا صبر
ومن تحسب الله كفاه هو وحده نعم المولى ونعم النصير ..