بنك الامداح

[عيد محمد الحمادي]

قصيده مهداه لشيخ النقيب/سلطان بن مناحي بن نايف بن ربيعان........حفظه الله

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
سلام يارمز الوفاء بنـك الامداح = من شاعـرٍ يعـطي المعانـي ثمنها
سـلام ياذخـر الربـاعـين مـالاح = برق الحقوق اللي همى الغيث منها
سـلام ياروس القبيله وياوشاح = بيـت الامـاره يـا نـظـيف معـدنـهـا
نـعـزكم عـز الائـمـه لتلاصـلاح = ونحـبكم حـب الشـعـوب لـوطـنـها
مقادم العتبان في حرب وصياح = وقت الامان احق والناس عنها
لكم على حادي وعاشر وماراح = يشهد لما يأتي ويكسب رهنها
متسلسلٍ من ضرب شلفا ومشواح = بنت الاصيل اللي تلاعب رسنها
مجد الشيوخ اللي على زرق الارماح = عاش الحضاره عقب قفت محنها
في بيرق ال سعود مذبح وذباح = لين اكتساها العز والله ومنها
ياطيبهم بشيوخ الانصر والاسياح = وجبال شمر والجنوب ويمنها
تاريخهم نوره على النور وضاح = يلمع وفاء والناس من موتمنها
اليا بنوا باسم الوفاء سور ما طاح = سلالة الامجاد هذي سننها
اسمٍ يشيل وشاله اسمٍ على راح = يمنى السعد واسماء المراجل حضنها
سلام يامنصى قصيدي والانصاح = قدام شوف العين ماحاص عنها
سلام ياسلطان والبن لفاح = لك اول الفنجال يالشيخ منها
يالقايل الطايل على كل ماشاح = صعب العلا في يدك مرقى قننها
يالطالع الباتع ويا سر الايضاح = يالسامي الطامي على من مكنها
ياوراث الامجاد مسرى ومسراح = يالماجد الواجد مكبر صحنها
ابوك ابو سلطان للفزعه سلاح = ما مات من فعله بقى مع زمنها
ما مات من ذكره مثل شمس الاصباح = جمايله مدات وامدى علنها
الموت موت اللي مع الوقت مرتاح = ماله ولاله شيء مع من سكنها
عساه يفدا اللي ليا اومى له جناح = يفعل ويدري من حضر وش لحنها
الشيخ ولد الشيخ مجده من ارواح = جدانه ومبداه وادرك عننها
اللي خواله من عمامه هل امداح = ماله عذر والمدح فيها لانها
فالناس مثل الراس ترسي ماتنزاح = اهل الشداد وعطفته مع ضعنها
اسياد مجد وجد ماخلقوا اشحاح = من كبرها بالقدر تامر وتنها
يدري بسعر الماس ويعرف الارباح = رجلٍ يميز زين لو ما وزنها
اقولها وانا على الصدق يا صاح = والشاهد الله والامانه ماخنها
ماحدٍ يقول لقولي ان قال سفاح = وانا قبل مانطق موصى بصنها
الحمد للي مدني صدق وافصاح = ماحط في للكذب جينه وسنها
مدحتهم بالحق والسد ما باح = والعارفة ماغطها في كفنها
بشايره للي سرى الليل مصباح = قمة جبل يامن بها اللي زبنها
لربع والعاني يداوى به جراح = وعداه يسقيها القهر ويغبنها
مواقفه كم واحدٍ قام ثم طاح = من دونها وابو مناحي ضمنها
البارز الطحطوح ويزيح مايزاح = لا قال انا لها راحوا يسار عنها
هذا الكفو رمز الوفاء بنك الامداح = كساب قولت نعم مغلي ثمنها


[/poem]

[اصايل]

ومليون نعم


صح لسانك يالحمادي

لاهنت ..

[عيد محمد الحمادي]

مرحبا صح بدنك شكرا

[وجودك يكفي]

يستاهل المدح

صح لسانك مليوووووون ياعيد وبيض الله وجهك

احترامي