قال اللذي يقرى بليا مكاتيب

[الأدميرال]

بسم الله الرحمن الرحيم





اللهم صلي و سلم على محمد و على آله و صحبه أجمعين





قصه معروفه و فيها البيت المشهور




عسى نساكم ما تحمل ولا تجيب
.......... ولا حدن من البزران يمشي وراكم





الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا
وقيل أنهم تزوجوا مرة ومرتين وثلاث من أجل أن يرزقهم الله ولكن أمر الله قد نفذ وانقطعت من ذلك الزمان ديارهم .......
(ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا
وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم
وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته
وصار كل واحد منهم يطرده من بيته فما كان من الوالد إلا أن سكن إحدى (الخربات)
حتى صار لا يقوى على النهوض أو السير وضعف بصره فذهب زاحفا يتوسل


ويرتجي أبناءة بأن يمكث عندهم حتى يقضي الله أمرة فلم يستجب له أحد منهم





فقال فيهم الأبيات التالية :


هنا شيله بصوت المنشد / عبدالعزيز الفراج

وهنا إلقاء بصوت / ابراهيم الصيخان

وهنا أيضا شيله بصوت المنشد / ابو نايف





يقول من يقرى بليا مكاتيب
ياللي تقرون العمى من عماكم

ياعيالي اللي تشرفون المراقيب
تريضوا لي واقصروا في خطاكم

خذوا كلام الصدق ما به تكاذيب
مثل السند مضمون للي وراكم

ياعيال لا صرتوا ضيوف ومعازيب
ترى الكلام الزين ملحة قراكم

وتروا السبابة من كبار العذاريب
وهرج البلايس ما يطول لحاكم

المذهب الطيب فهو مذهب الطيب
والمذهب الخايب يبور نساكم

ياعيال ما سرحتكم باللواهيب
ياعيال ما عمر المعزب ولاكم

ياعيال ماضربتكم بالمشاعيب
ولا سمعوا الجيران لجة بكاكم

ياما توليت القبايل تقل ذيب
من خوف لاينقص عليكم عشاكم

وياما شربت السمن من عرض ماجيب
يـــفــز قــلبي يوم يبكي حداكم

أحفيت رجليني بحامي اللواهيب
ليت لحم الريم يخالط عشاكم

ياعيال دوكم لحتي كلها شيب
هذا زمان قعودنا في ذراكم

قمت اتوكا فوق عوج المصاليب
قصرت خطانا يوم طالت خطاكم

عطوني القرضة عليكم مطاليب
عطوني القرضة جزى من جزاكم

لابد يوم عاوي دوني الذيب
بالقبر ما افرق طيبكم من رداكم

ماني بفاضحكم بوسط الاجانيب
باعمالكم يدرون كل اقرباكم

لوكان تدرون الردى والمعاييب
صرتوا مع المخلوق مثل خوياكم

خوالكم بالطيب تروي المغاليب
ولو تتبعون الجد محدن شناكم

وش علمكم يا تاركين المواجيب
حسبي عليكم هالردى وين جاكم

قصيتكم واسندت وادي سلاحيب
ولقيت بالصبخا مدافيق ماكم

ياعيال بعتوني (بصفر العراقيب)
ما هي حقيقة سود الله قراكم

يالله عسى اعماركم شمسها تغيب
يعتم قمركم ثم تظلم سماكم

يا علكم في حاميات اللواهيب
ياللي على الوالد خبيث لغاكم

شفت الجفا والحيف والغلب والريب
بضلوعكم لابيض الله قراكم

عسى نساكم ما تحمل ولا تجيب
ولا حدن من البزران يمشي وراكم

اخسوا خسيتوا يا كبار اللغابيب
اهبوا هبيتوا يقطع الله نماكم




نعوذ بالله من عقوق الوالدين

[اصايل]

اللهم ارزقنا البر بوالدينا :

:


:


كل ماسمعتها اقول كيف فيه ناس كذا ؟؟ لاحول ولاقوة الا بالله

كيف تحملوا ابوهم يدعي عليهم الله لايبلانا ..!

سلمت الادميرال ولاهنت ..

[الأدميرال]

الوكاد دعا عليهم وراحو فالرحله

سلمتي عل المرور

[تباريح الروقي]

لا حول ولا قوة الا بالله من اعظم المصائب عقوق الوالدين

قصيدة مبكييه ومحزنة,,,, ودعاء تنجلي منه السحاب.....الادميرال,,,يعطيك العافيه
دومتم بصحة وعاافية’’

[الأدميرال]

وانتي بصحه وعافيه وتسلمين على الحضور

[الطرف الحنون]

نسأل الله العفو والعافيه

قصه وقصيدة تقطع القلب

الله يرزقنا بر والدينا ويمدهم بالصحة والعافيه ولا يحدهم على مخلوق حتى لو عيالهم

ما قصرت أخوي فيصل ع النقل الموفق

الله يجزاك خير

[الأدميرال]

منوره يالطرف الحنون وشاكر لحضورك

[وضووح]

:

نسأل الله أن يرزقنا برهم

الأدميرال بارك الله فيـــك..ورزقك بر ورضـــى والديك

دمتــ بخير

[شـوآق]

الأدميرال


نقل أكثر من رائع
وعسى الله لايهينك يالغالي

واسال الله ان يرزقنا برهم ورضاهم
لك تقيييمي ., ولاهنت

[وجودك يكفي]

اللهم ارزقنا بر والدينا وارزقنا رضاهم

لاهنت على النقل يالادميرال