الشـــذى العاطــــر

[بدر ناصر المورقي]

السلام عليكم احبّائي وعيدكم مبارك قبل الزحمه :)

متواضعه راجي لها القبول

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهم لا شن غاراته على الخاطر=ودكّت حصون السعد وافنت مبانيّه
وبصدرك الضيق فايض غيمه الماطر=وازهر نبات الكدر واثمر بلاويّه
والغم قايد وحزنك بالخطط شاطر=واجتمعوا بنيّة الحرب الاباديّه
وجاك القدر بالرماح القشر متْساطر= نيّاته السود لك تسبق خطاويّه
والوقت سيفه بدم الغدر يتْقاطر= والحظ يعرض من الويلات منقيّه
وظهرك قِصَمْه الزمان بحدّه الشاطر=وماعاد تقوى تشيل الحمل موليّه
وبَكْرَة عزومك غدت من هولها فاطر=وحصان صبرك لياسك رايح اضحيّه
ولا صار حاكم هواك ابليس وامشاطر=كف المنيّات في هجمه عدائيّه
وحسيت بانّك تعيش ايّامك امْخاطر=صبحك غدا عقرب وليلك غدا حيّه
في حينها ازبن حمى الله ويش له ناطر=ولوجه رب المخاليق اخلص النيّه
اسجد خضوع ومذلّه للذي فاطر=سبع السماوات واطلب عفوه وفيّه
سجدة مذلّه بها ريح الشذى العاطر=يرسل لك ابها من التيسير وسميّه
يحيي بها افراح فاقت فرحة الفاطر=من عقب ماجاه وقت الصوم صيفيّه
ياطير عطر التسابيح بسمانا طر=سبّح وصبح الامل لا ينطفي ضيّه
تغريد ذكر القدير ايوسع الخاطر=ويهدم حصون البلا وينسف مبانيّه

[/poem]بدر ناصر المورقي

[إبن ثعلي]

صح السانك يابدر قصيدة ولااروع منها
تحياتي لك

[أنثى نادرة]

والوقت سيفـه بـدم الغـدر يتْقاطـر

والحظ يعرض مـن الويـلات منقيّـه

قصيده منتهى الصدق

والواقعيه الصريحه

راقت لي جدآ

يعطيك العافيه على

هذا الابداع والفن الرائع

[وجودك يكفي]

قصيده في منتهى الروعه والجزاله

صح لسانك يابدر وبيض الله وجهك

احترامي

[تباريح الروقي]

صح لسانك واعتلا شانك..استمتعت بكل امانة ماوجدة بابياتك

اسـجـد خـضـوع ومـذلّـه لـلــذي فـاطــر سبـع السمـاوات واطلـب عـفـوه وفـيّـه
سجدة مذلّـه بهـا ريـح الشـذى العاطـر يرسـل لـك ابهـا مـن التيسيـر وسميّـه
يحيـي بهـا افـراح فاقـت فرحـة الفـاطـر مـن عقـب ماجـاه وقـت الصـوم صيفـيّـه
ياطـيـر عـطـر التسابـيـح بسـمـانـا طـــر سـبّـح وصـبـح الامــل لا ينطـفـي ضـيّـه
تغـريـد ذكـــر الـقـديـر ايـوســع الـخـاطـر ويهـدم حـصـون الـبـلا وينـسـف مبانـيّـه
بدر ناصر المورقي
تقبل مروري,,دمتم بصحة وعاافية’’
تباريح,,

[شـوآق]

بدر المورقي

صح لسانك ع هالرائعه .,
ابيات راقت لي بالحيل ., سلمت يالقرم ولاتبطي بغيرها
كل التحايا لك

[عبدالله المرشدي]

صح لسانك يابو ناصر

مبدع ولافيك حيله

صح لسانك عدد من حج بيت الله وطاف

تحيتي

[نايف تراحيب]

صح لسآنك
صح لسآنك
صح لسآنك

دائماً مبدع يابو ناصر ،

وكل عآم وانت بخير ومن العآيدين قبل الزحمه ،

احترامي وتقديري


/


،

[محمد بن نجر]

صح لسانك يابدر


قصيده جميله

وابعد الله عنا وعنك الهم