كسري عقب سلطان

[حصة العتيبية]

[poem=font="tahoma,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يرحمك يا سلطان=ويجعل بجنته مسكانك
ويعوض أبو متعب كحيلان=وعيالك وجملة اخوانك
واهلك ومجلسك والديوان=والشعب والجيش واوطانك
والجود والبر والإحسان=وقلمك ودموع خلانك
وصومك وتسبيحك الرحمن=وذيك التلاوات بلسانك
ومجالس العلم والإيمان=وموضع سجودك وصيوانك
ووقفك لوجه الله القرآن=وحلمك وما مدت أيمانك
والفقر والقفر والرفقان=والرفق بافواج بيبانك
ومحارب الظلم والعدوان=وحنين الأيتام لاحضانك
وارامل ومعسر ومرضان=ضميتهم تحت جنحانك
ومحتاج ما يقدر العمران=آواه قلبك مع إسكانك
والغوث للجايع العطشان=وصملة فزوعك وتعوانك
وعطفك وكسوتك للعريان=ولطفك بحاله وتحنانك
والقنص والهيل والقيفان=وصقرك ومهرتك وحصانك
ويحسن عزا سيدي سلمان=ظهرك وعضدك وذرعانك
اللي على العهد بالبرهان=وفا بسرك مع إعلانك
واقفى بدربه عن المقطان=ما هوب لجله علشانك
واقبل يشيلك على الامتان=ويبكي رحيلك وفقدانك
وبكى لبكيه جميع إنسان=والتاع من لوع سلمانك
فيا رب يا مارج البحران=نسألك بـ اسمك وسلطانك
ووجهك لأبو خالد الغفران=واكتب مقره بريضانك
وانجه إلَهي من النيران=ورجَّح له بخير ميزانك
واجبر كسوري عظيم الشان=من عقب سلطان بـ إحسانك
[/poem]

[إبن ثعلي]

صح السانك يا اخت حصه والله يرحم سلطان الخير
وان شاء الله يتم تنسيق القصيده الى الأفضل فيما بعد

[وجودك يكفي]

الله يرحم ابوخالد ويسكنه فسيح جناته

صح لسانك ياحصه وبيض الله وجهك

احترامي

[شـوآق]

الله يرحم ابو خالد ويغفر له ., ويجعل مثواه الفردوس الاعلى




حصه العتيبيه

صح لسانك ., ع هالابيات وماتنلامين ياخوك
كلنا فقدنا هاك الوجه البشوش
لاهنت ِ وعسى الله يجبر كسرك



تحيتي وتقديري

[الصهد]

الله يرحمه وموتى المسلمين أجمعين
صح لسانك يالعتيبية رائعه كروعه حضورك
تحياتي وتقديري

[عبدالعزيز الفرج]

الله يرحمه ويغفر له ويسكنه الجنة


صح لسانتس ياحصة على هالابيات

وعسى الله يجبر كسرنا كلنا فيه

مبدعة


لاعدمناش

[رغدالشيباني]

ياهلا والله ومرحبا


بالشاعره القديره :حصه العتيبي

صح لسانك وكلك من اجمل الرثائيات في الآمير سلطان رحمه الله

ابدعتي ياشاعرتنا ولاتطولين بالجديد

[سلمان المالكي]

فالك الخير والسّعد أيّتها الشّاعرة القدير والمحترمة حصّة العتيبي

والله يرحم سلطان الإنسانيّةِ والإحسان ويصبّر الأسرة المالكة والشّعب السّعودي كافّة

نصٌّ شعريٌّ أدبيٌّ فريدٌ مِن نوعه .. صح لسانك يا عزيزتي

وإن كان يحاكي فقيد الأمّتين العربيّة والإسلاميّة ..إلا أنّهُ نصٌّ بديع ومُبْهِر

أشكركِ على هذا الإمتاع والتجلّي والإبهار


تحيّة عاطرة وأعذبُ الأماني ,,

[محمد بن نجر]

حصه

صح لسانك

والله يرحم اموات المسلمين اجمعين