ماكنه ألاياسرالقحطاني

[قوت القلوب]

[poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black""]
العاشق اللي نظرته مرتده=من عقب ماناظرت به وأشقاني
يوم أنفرد بي والدفاع يحده=ماكنه ألا ياسرالقحطاني
سجل هدف ويحقله منقده=ماهوب لافايز ولا خسراني
يعني تعادل والتعادل شده=تشهد عليها قوة الميداني
جيته وأنا مدري وش اللي رده=لقيته اللي قبل أجي له جاني
قال الهوى قلت الهوى من جده=قلت الوصل قال أعترف بإيماني
إن المحبه دون وصل ولده=ماهيب لانبضه ولا تحناني
قلت الآمل ممكن يسافر مده=قال أشتري له لو يعود أوطاني
قال ألعواذل دايمن ممتده=قلت ألعواذل تغرق بودياني
قلت الهبوب البارده مشتده=قال الحفك شوقي وأنا برداني
قال الظماء من هو بياقف نده=قلت إشرب إحساسي ولا ترواني
قلت ألعنود أم الغنج معتده=قال أنتي أنتي وأدحرالشيطاني
فيه إنبهرت وتومشيت بحده=قلبه وطن عامر وأنا السكاني
دوافعي له أعشقه وأوده=ودوافعه لي يحتوي وجداني
يكسب خفوقي يوم بيح سده=مايخسرإلاالجرح والخذلاني
وأنا دوى جر ح الغرام وضده=الجرح ماينزف على خلاني
أحشم حبيبي بالوفاء وأعده=أول حبيب ولا إعقبه ثاني
وإن كان جاني من حبيبي صده=مانيب مثله لا ولا بإمكاني
الصد طعنه فالظهر مسوده=تبقى علامه فارقه ياإخواني
[/poem]

[شـوآق]

قلت الهبوب البارده مشتده قال الحفك شوقي وأنا برداني قال الظماء من هو بياقف نده قلت إشرب إحساسي ولا ترواني

قوت القلوب

كما هي العادة ياخيتي .., ماورى غيبتك الا الابداع كله
ماقول الا صح الله لسانك وسلمت ِ ع هالقصيده الشامخه
,
واختياري لهالبيتين مايهضم حق الابيات الثانيه بالقوة
لكن هذي ابداع لحالها .,


عسى الله يعطيك العافيه ..
تحيتي وتقديري

[عبدالعزيز الفرج]

ما شاء الله تبارك الله ،، الله لا يضرتس

صح لسانتس ملايين ولاتسدتس

مبدعة وجزلة



لاعدمناش

[الصهد]

وأنــا دوى جــر ح الـغــرام وضـــده
الـجـرح مـايـنـزف عـلــى خـلانــي
أحـشـم حبيـبـي بالـوفـاء وأعـــده
أول حـبـيــب ولا إعـقـبــه ثــانـــي

قوت صح لسانك رائعه كروعه حضورك
تحياتي وتقديري

[رغدالشيباني]

شاعرتنا الكبيره / قوت القلوب

أهلاً بعودتك بيننا,,وصح إلسانك ملايين

تقديري

[نايف تراحيب]

يا مرحبا يا مرحبا يا مرحبا ،

للأمانه الإبداع موجود والسلاسه موجوده ،

صح لسآنك
صح لسآنك
صح لسآنك

واخر الغيبآت ان شاء الله ،


احترامي وتقديري


،


/

[حنين الروح]

العنَوان لـ حالِه حكايهَ


قال العواذل دايمن ممتده
. . . . . . . . . . . . . . . قلت العواذل تغرق بودياني

وَ اهنيِك على هـَ البيَت
صح الله لسانَك وَ كلك يَ قوت

وَ الله لا يهينِك

[عبدالله المرشدي]

صح لسانك ياقوت

رااائعه رااائعه

تحيتي لك

[رشيد الكسر]

صح لسانك وسلم بنانك

ابداع للثماله ...

سعدت بمروي هنا ....


جل التقدير

رشيد الكسر

[البارع]

سجل هدف ويحقله منقده

ماهوب لافايز ولا خسراني

لاوالله الا فايز انشاءالله مدام الشعور واحد ,,

صح لسااانك الى ماله نهاية ..