عبير عتيبه:أول شي الله يعطيك العااافيه على الطرح القيم والدال على رجاحت عقلك ولو إني أتخلف معك في بعض ما قلتي.
ابحرت في عيونك
حياك الله اشرق متصفحي بتشريفك
ودائمآ إختلاف الرأي لايفسد للودّ قضية
أهلا بك أخي الكريم
قضية سواقة الحرمه:هذي وانا خيك أحسها حيله يستخدمونها بعض الروس الكبير الفارغه. لتلهيت الناس عن الأمور المهمه.فكل ما حدث شي شغل بال الناس فكو لنا هذه الموضوع من جديد.لين نسخت في عقول بعض المرهقات الطيشات وصارو يحسون إنه شي مهم وإنه من أبسط حقوقها.ونست حقوقها الأخرى.وحقوق غيرها أيضاً.ويساعدهم على هذه الشي من يسمون باللبراليه.اللي كل همهم.نصير مثل أمريكا.حريه لأبعد الحدود.وأيضاً.هناك مخططات يهوديه وشعيه.تحاول تثير هذه الامر.عشان هذه العلم لاصار تبا تبداء تكسر العادات وتقوى كلمة البنات والشباب اللي على خطى فتسهل عليهم الأمور مثل (إختلاط الرجال بالنساء في كل المدارس.ثم خلع الحجاب و....إلخ وهذه كله لجل إضعاف الإسلام لأن اليهود وغيرهم من الكفره يعرفون الخطر اللذي يهددهم لا توحدت صفوف المسلمين وقواء إيمانهم.فحينها سوف تئتي مطالب المسلمين بتحرير كل أرضيها و...إلخ وهذه هو اللي ما يبونه ومثل ما تعرفين إن هاللحين تعتبر الدوله السعوديه في نضرهم منبع الإسلام وممثلته.عشان كه نضرهم متوجه يمنا.لاكن نسئل الله أن يرد كيدهم في نحورهم وأن يجعل تدبيرهم تدمير عليهم.هذه من وجهة نضري بكل إختصار.
بديع وجميل ماذكرتم هنا
اختزلتم القضية بجميع أبعادها بهذه الأسطر الرائعة
لافض فوك أخي أبحرت
ممتنة جدآ لمداخلتك القيّمة 
وانا بعد عندي كم سؤال للي يقول نبا نرتاح من السواقين:هاللحين فالكويت وفي دول الخليج الاخرى الحريم يسقون صح ولا ولا!طيب السواقين لين هاللحين باقين ولالا؟وليش ماراحو؟؟
وليش فالبيوت خدمات؟؟دام إنكم لو تقدرون تقضون حاجتكم بئنفسكم ماتحتاجون سواقين!فليش البيوت فيها خدمات! يعني ما تقدرون تقضون أشغال البيت عشان تجبيون خدمات ؟؟
وبعدين السواقين ليش تاخذونهم من البدايه!ماعندكم أخوان أزواج شيبان؟
فتحووو عقولكم زين ولا يغرونكم اللي يبون هلاكم بئسم (حفض حقوقكم)لأن لو من جد يهتمون بحقوقكم ما فكو هذه الموضوع اللي يبا يضيعكم كان تكلمو.في حقك من المصروف كعازبه أو كئرمله أو مطلقه من مصروف وغيره الشي الكثير.وقبل لا تعرفون حقوقكم أعرفو حقوق غيركم من الرجال ولا سويتو اللي عليكم طالبو بحقوقكم.والله ثم والله إن الحرمه السعوديه عايشه معززه مكرمه في بيتها عيشه ما عاشها غيرها من بنات الدول الثاانيه.لأن كل شي من شيبانكم وأخوانكم وريجيلكم يجيكم لين حدكم وانتم حاطين رجل على رجل.طبعاً غير بعض الحلات الشاتله عن المئلوف.
نصيحة رائعة وكلام من القلب أشكرك عليه
أتمنى أن يجد صداه في نفوس القراء الكرام
واما عن:ألا زال بعض رجالنا يقول (( أنثى أكرمك الله )) عند ذكر المرأة ...!!!
هذي وانا اخوك حالات فرديه .وما تنلقي إلا فالمرضى.
هنا اختلف معك أيها الفاضل
ليست حالات فردية بل كانت في زمنٍ ما
ظاهرة سلبية كالحة السواد في وجه المجتمع
ولكنها الآن بحمد الله وفضله بدأت بالتلاشي
لوعي المجتمع وصحوة الجيل الجديد
واما عن هذه:ألا زال بعض رجالنا يأنف من دخول ابنته مجال التمريض أو الطب ...!!!
والله وانا خيك التمريض والوضايف المختلطه مافيها خير.ومضرتها أكثر من منفعتها وما أضنك تجهلين المصايب اللي تصير فالوضايف اللي من هذه النوعيه.وتئكدي إن الشيبان يفكرون في مصلحت بناتهم اكثر من ما يفكرون فيها البنات انفسهم.عشان كه يرفضون هذه الشي وانا أكثر واحد أرفضه.لأن والله حلاوت البنت في بيتها في خدمه رجالها وعيالها ولا خوانها وشيبانها.
هنا رأيك أنا أحترمه وكلامك على رأسي
ولكن للتوضيح : ليست كل من دخلت الطب أو التمريض أو فنية مختبرات ..الخ
هي بنت داعرة لاخير فيها تسعى للفساد .
والله اني اعرف فتيات ممن تربين على الحياء والدين وبنات رجال .
تراهنّ منقبات ومتحجبات ومحترمات ومتزوجات ولديهنّ أسر وأطفال .
ويخدمن بنات جنسهنّ في عدّة مجالات من اختصاص نساء وولادة أو حتى جراحة عامة
أو تخدير أو غيره . ويعملن في الأقسام الداخلية للنساء في المستشفيات الحكومية
أو الوحدات الصحيّة للبنات . واختلاطها بالرجل قليل ومحدود وتحت أنظار الجميع ..
و المرأة هي وحدها من تجعل الرجل يحترمها أو العكس
واما عن بدريه هذي فبسلامتها ماعمرنا سمعنابها ومن كلامك باين إن نباحها عالي وانتي بكرامه.ومثل هذه الأمور يفضل للواحد إن مايعطيها وجهه لأنها ما تستاهل.إن تلدين فيها
هههههههه
الله يكرمك ياسيدي.
بدرية البشر كاتبة سعودية زوجها الممثل : ناصر القصبي راعي طاش وماطاش 
وحاليآ أصابتها اللوثة كغيرها فأدعت أنها ناشطة .وتتحدث عن حرية المرأة وحقوق المرأة ..الخ.
هذه بكل إختصار:ولي عوده إن شاء الله إن أضطررلت لذالك
وأكرر شكري :لطرحك القيم
تقبلي مروري:ونتتضر جديدك
أخووووووووك
| 
|
06-07-2011, 01:47 PM
العرض المتطور
