ﬗ▁▂▃▅▆▇★☀二【«مهـوب لازم انهـا .. ملكـة جمـال »】二☀★▇▆▅▃▂▁ﬗ

[الســامي]

مرغوبة العاشق .. وغايـات المنـال
ودواء الجروح اللي تعسـر طبهـا !!

غيدا " بتول تحترف فـن الـدلال !!
ودك تقهوهـا .. قبـل لا تصبهـا !!

( في ابهتها طلعـة مضـاوي هـلال
احبهـا .. وآتوقهـا .. وآحبـهـا )

مخلوقة من زبد .. لو تلمسـه سـال
ونعومة حكاها .. كذا مـن ربهـا !!

وبنت الرجـال اللـي نسبهـا آل آل
قوم تنـوش المرجلـه .. وتذبهـا !!

واللي لا هب فوجهها ريـح الشمـال
قمت استشك !! ان الجنوب تهبهـا !!

الخصـر يرسـم انحـدرات التـلال
وردوفها .. من ثقلها تلعـب بهـا !!

يفوح منها المسـك والخمـر الحـلال
كنه علـى ذيـك الشفـاه يعبهـااا !!

وخدودها ورد شـذى عطـره خيـال
خلا ( فراشات الـورود ) تربهـاا !!

ولا قالت من الشوق يا عمري تعـال
شليت ذا الغتره وقمت اضـرب بهـا

فديتها اللي لا اوقفت مـن الاختيـال
تستنقص اللي يـوم تاقـف جنبهـا !!

أشوف فيها .. انها لي ( راس مـال )
وتشوف فيني .. ( فارس " مغرم بها )

مياسة القد !! وضفايرهـا طـوال !!
هي معجبه فيني وانـا معجـب بهـا

تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!

:":
:":
:":

:":
:":

:":

[مهـرة مـطير]

السآمي

تسلم على الإنتقآء المميز

ويعطيك العآفيه

[الســامي]

.:/:. مهره مطير .:/:.

اسعدني مروركـ الجميـــل

دمتي بود وحب ..

[صمت السنين]

مخلوقة من زبد .. لو تلمسـه سـال
ونعومة حكاها .. كذا مـن ربهـا !!

وبنت الرجـال اللـي نسبهـا آل آل
قوم تنـوش المرجلـه .. وتذبهـا

يسعدك ابدااع رائع تقبل مروري

[الســامي]

.:/:. صمت .:/:.

ويسعدك ربك .. اسعدتني بمروركـ

[سُقياْ جُنونْ]

ولا قالت من الشوق يا عمري تعـال
شليت ذا الغتره وقمت اضـرب بهـا
^
أعجبني البيت .
.[..كل المدح ..و ما هو لازم ملكة جمال ..].

؛
سلمت يا سمو ع النقل المميــز .

[الطرف الحنون]

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!


صح لسان شاعرها

ولاهنت أخوي ع النقل المميز

بارك الله فيك

[ذهب]

صح لسان ناقلها وقايلها .

[الصهد]

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!

السامي رائعه
سلمت ودمت تحياتي وتقديري

[مآتبآدلنآ آلعطآ]

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!


السآمي .ْ~

اهنئك على هالانتقاء المميـز

لاهنت .ْ~