بيت القصيد

الصهد · 04-23-2012, 08:27 AM

[ALIGN=CENTER][TABLETEXT="width:70%;background-image:url('http://www.otaiby.com/vb/backgrounds/17.gif');"][CELL="filter:;"][ALIGN=center]

كان الحظاره مثل منتي تقولين

لابارك الله في زمان الحظاره

يابنت جدانك تراهم هل الدين

لاتحسبين ان التبرج شطاره

ملتي براسك مثل روس الشياطين

والكاس قدمك والبكت والزقاره

والمشكله لاقالو الناس من وين

وشلون بالله تنطقين العباره

وانتي سلالة ملحقين المخلين

في روسهم وقت الملاقا نعاره

يخت الرجال اللي تضدالمعادين

بالله ردي فوق راسك خماره

والزين ماهو بتبرج ترى الزين

بالستر لن الستر راس التجاره

هاذي نصيحت واحدن شاف بالعين

غرون صغير وبالقصيد استثاره

[/ALIGN][/CELL][/TABLETEXT][/ALIGN]

الأدميرال · 04-23-2012, 09:44 AM

مشكلة مثبت السرعه تكاثرت في الآونه الأخيره وما باليد حيله

على تـيوتا نـويت ابـدي اعْـتـابي
......................يـوم المـصيـبه تمـادى مسنّـعها
عبداللطـيف أنشـدك ويـش الاسبابي
......................يا كيف ترضى على الـناس مصرعها
أنـت الـذي للغـلط فـاتـحٍ بـابي
......................والـناس ما تسـمح إنّـك تـروّعها
كـبر الخطا عـاب والـعذر به خابي
......................والفـتـحه أكـبر من إنّك ترقّعـها
تبـيـع خـلق الله امْـقابل اتْـرابي
......................وتضحك على الناس يومك تشـيّعها
ياكـم تغـاضـت مـلايين الالبـابي
......................وتعـداد غلطـاتك اليـوم تجـمعها
أسـألك بالله وأبـي منّـك إيـجابي
......................روح الأوادم وش اللـي يـرجّـعها

ابن دخيل

الصهد · 04-23-2012, 12:12 PM

[align=center][tabletext="width:70%;background-image:url('http://www.otaiby.com/vb/backgrounds/14.gif');"][cell="filter:;"][align=center]
منور الادميرال ومشاركه رائعه كروعه حظوركــــ

الـصـبـر فـــي وجـــه المقـابـيـل شــامــه
نتايـجـه تحـمـد عـلـى كــل ابـــو حـــال

والــبـــوح تـالـيـتــه حــســـوف ونـــدامـــه
يميـل مــع غـصـن الـنـدم كــل مـامـال

وهــرج البـنـادم مـثــل بـصـمـة ابـهـامـه
تـقــدر تــحــدد بـصـمـتـه كــــل مــاقــال

والـحـسـد ثــوبــن لــــه زرايــــر وخــامــه
مـن خارجيـه ثـوب مـن داخـلـه شــال

راعـــيـــه لـــــــو قــابــلـــك بـالابـتـســامــه
تخبر ك مع بعـض الحركـات الافعـال

مااحـسـد احــد فــي شـربــه ولاطـعـامـه
ولا والله احـسـده عـلـى كـثـرت الـمـال

ولانــــي بـحـاســد مــــن تــعــلا مـقــامــه
تـــاليـــه لـلــتــربــه مــعــشـــى ومـــنــــزال

ولااحـســد مـــن جـــده يــــرد الـجـهـامـه
لـو هـو حفيـد فـلان وفـلان لـه خــال

احـسـد مـــن يـــردف صـلاتــه صـيـامـه
ويـرفــع يـديـنـه راجـيــن خـاشـعـن ذال

فــي هالـزمـن مـامــات جـــوع الـهـلامـه
لــــو انــــه الــلــي لاتـهـقــوى ولاطــــال

عـلــى مـاقــال الاسـعــدي فـــي كـلامــه
الـــفـــول بـريـالــيــن والــخــبــز بـــريــــال

الـهـرج فــي بـعـض الـمـواقـف رخـامــه
والصمت في بعض المواقف للابطال

[/align][/cell][/tabletext][/align]

الصهد · 05-01-2012, 06:03 AM

[align=center][tabletext="width:70%;background-image:url('http://www.otaiby.com/vb/backgrounds/13.gif');"][cell="filter:;"][align=center]
آصبر وربّك رآجحٍ بالموآزين ..
هوعآلم بآللي تكنّ الخوآفي !

وبـ آلصبر قآلوآ لآتصبّرت ثنتين ,,.
تكسب جميل و تآخذ الحقّ وآفي !

والـصبر مفتآح الفرج وآفتهم زين
مآطآلت إلآ والنهآيه عوآفي ..

والوقت لوجآر وقسى يرجع يلين !
والحظّ يصحى لو قضى وقت غآفي ..

ومآتقدِمه يمناك ترى منكتب ” دين ” ..
ومآينكتب بـاالوح لآزم يشآفي !
[/align][/cell][/tabletext][/align]

الصهد · 05-12-2012, 06:25 AM

[ALIGN=CENTER][TABLETEXT="width:70%;background-image:url('http://www.otaiby.com/vb/backgrounds/7.gif');"][CELL="filter:;"][ALIGN=center]اتقدم الدنيا لنا درس جديد بكل يوم [/ALIGN][ALIGN=center]
والناس تسلم من غثى الدنيا بحفظ دروسها

على حسب حفظ المواجيب وتعاليم السلوم
نعرف مقاسات البشر في المرجله ونقوسها

صيت الرجال الوافيه بفعالها والا الرخوم
يمديك عنها قل نفعتها وشين ونفوسها

تطرد ورى الدنيا وتكشخ بالمواتر والهدوم
مثل الحريم اغلب دراهمها على ملبوسها

والامعه والشايب الكذاب وضعيف العزوم
ناس مع العالم بلا هيبه ادربي روسها

والبخل خلاهم بهايم لاتسام ولاتسوم
لاشفتها ترفع ايدك حمد وشكر وتبوسها

على الصحن هم اول الجلاس واخر من يقوم
يعيفك حلو الاكل والشرب طول جلوسها

ماهيب للازم سند ولاذخر عند اللزوم
تموت ماسرك مهايطها وكثر فلوسها

وسوالف الخبلان رفعت ضغط وصداع وهموم
لا تنتخطف في علوم العرب وتحوسها

واجب عليك اليا حكت عن جملت احكاها تشوم
الهند مايرئس حكومتها غير هندوسها

وربع المصالح والمجامل خوة ماهي بدوم
اقولها والتجربه قطع وريدي موسها

وقت الرخا مثل الصقور اللي على المرقب تحوم
هين يذري ساقك الرمضى وحر شموسها

ويحتمك صكات بقعى وامست علومك علوم
تلوي اخششها وتجحد خوتك وتدوسها

من عقب منت الطيب وقدرك معزز ومحشوم
تصير اردي ماخلق ربي ودم ضروسها

ابعد عن الاشكال ذي بعد الثرا عن النجوم
وش حاجتك في قرب رديان العرب ونجوسها

ماهوب عيب الي اعزموك تقول يالربع معزوم
العيب لا رحت لعزايمها وجيت عروسها

وخلك فطين تعلمك دنياك درس بكل يوم
الرجل يسلم من غثى الدنيا بحفظ دروسها

http://soo.gd/BB-281444D0-Vip--GDD[/ALIGN][/CELL][/TABLETEXT][/ALIGN]

الصهد · 05-16-2012, 06:42 AM

[align=center][tabletext="width:70%;background-image:url('http://www.otaiby.com/vb/backgrounds/8.gif');"][cell="filter:;"][align=center]البارحه يوم الخلايق نياما
بيحت من كثر البكى كل مكنون

قمت اتوجد له وانثر علاما
من موق عيني دمعها كان مخزون

ولي ونة ٍ من سمعها مايناما
كني صويب ٍ بين الأضلاع مطعون

والا كما ونه كسير السلاما
خلوه ربعه للمعادين مدوين

ولا في ونة راعبية حماما
غاد ٍ ذكرها والقوانيص يرمون

تسمع لها بين الجرايد حطاما
ومن نوحها تدعي المواليف يبكون

مرحوم ياللي مات شهر الصياما
صافي الجبين بليله العيد مدفون

حطوا عليه من الخرق ثوب خاما
وقامو عليه من الترايب يهلون

مرحوم ياللي مامشى بالملاما
جيران بيته راح مامنه يشكون

اخذت انا وياه عشرة اعواما
مامثلهن في كيفة ٍ مالها لون

والله كنه ياعرب صرف عاما
وياحيلة الله شغل الأيام وشلون

واكبر همومي من بزور ٍ يتاما
لاجيتهم قدام وجهي يبكون

وان قلت لاتبكون قالواعلاما
نبكي ويبكي مثلنا كل محزون

قلت السبب تبكون قالوا يتاما
قلت اليتيم انا وانتم تسجون

مع البزور وكل جرح ٍ يلاما
الا جروح بخاطري مايطيبون

قمت اتوجد عند ربع ٍ حشاما
جوني على فرقا خليلي يعزون

قالوا تزوج وانس لامه بلاما
ترى العذارى عن بعضهم يسلون

قلت انا اخاف من غاديات الذماما
اللي على ضيم الدهر مايساعدون

تزعل عيالي بالنهر والكلاما
وانا تجرعني من المر بصحون

والله لولا هالصغار اليتاما
واخاف عليهم من السكه يضيعون

لاقول كل البيض عقبه حراما
واصبر كما يصبر على الحبس مسجون

عليه مني كل يوم ٍ سلاما
عدة حجيج البيت واللي يطوفون

واعداد مانبت النفل والخزاما
على النبي اللي حضرتوا تصلون

[/align][/cell][/tabletext][/align]

الصهد · 05-19-2012, 10:37 PM

[align=center][tabletext="width:70%;background-image:url('http://www.otaiby.com/vb/backgrounds/9.gif');background-color:burlywood;"][cell="filter:;"][align=center]
ياخالقـن مـن فكـر الانسـان الابــداع=ومنزلـن فــي قـلـب الاخــر شجـاعـه
مفـقـر غـنـي الـمـال لاصــار طـمـاع=مغني فقير المال فـي ضـرف ساعـه
يــارب والدنـيـا غــدت كنـهـا الـقــاع=وانــا الفقـيـر الـلـي ملـكـت القنـاعـه
لـو راس مالـي بيـن شــاري وبـيـاع=الـحــظ مـاهــو مـنـتـمـي للـجـمـاعـه
اكرب عنان خيولهـا للجـل الاسمـاع=تطـرب علـى سـر القصيـد وسماعـه
البـارحـه تـازمـت بـعـض الاوضــاع=وصــار الحـكـي متغـطـيـن بالـكـاعـه
اسـلـوب تــوه بينـهـم دارج وشـــاع=وانـا كسبـت امـن القصايـد المنـاعـه
اتقـول ينزعنـي علـى الشـعـر نــزاع=ويــــزداد لا زاد الـقـمــر بـرتـفـاعــه
احـس روحـه يافهـد بـيـن الاضــلاع=حفظـتـهـا حـفــظ الـرجــل لـلـوداعـه
اضحـك لهـا لونـي مـن الهـم ملـتـاع=واسهـر لـهـا لـيـل العـنـا والقطـاعـه
العمـر فـوق ترابهـا مـن يـدي ضـاع=وبـنـاادم يـقـدم حـسـب مااستـطـاعـه
لعيـون عشـاق الـردى نلـبـس قـنـاع=خـوف التطـرف والجهـل والبشاعـه
الشـام راح وبـاتـت اطـيـوره اجـيـاع=والقدس مبطي غارقـن فـي ضياعـه
الذيـب يكثـر بالعـوى كــل مــا جــاع=اتشوش من صوت العوى له ذراعه
[/align][/cell][/tabletext][/align]

الصهد · 05-19-2012, 11:50 PM

[align=center][tabletext="width:70%;background-image:url('http://www.otaiby.com/vb/backgrounds/6.gif');"][cell="filter:;"][align=center]
الا يــاالله ياالـلـي عـالــم ً بالـغـيـب يـافــراج
علـى كـل مـن رفـع لـك حاجتـه يــارب تفرجـهـا
وانـا لـك ياعظيـم الشـان يارحمـان دوم احـتـاج
لعـونـك يامعـيـن النـفـس لا ضـاقـت مخـارجـهـا
لقيـت ان العمـر كلـه متـاعـب والحـيـاة ازعــاج
ولا يسعـد بهـا الا مـن عـرف يـانـاس منهجـهـا
اشـوف الوقـت وأيـامـه يلاعبـنـا كـمـا الامــواج
سنـيـن العـمـر تحرجـنـا وحـنـا وقــت نحرجـهـا
فتحـت أدراج مقفولـه علـى طـاري ابـو الادراج
وقريت افكاره اللي من ثمـان اشهـور ابرمجهـا
لقيته يخلـط العشبـه علـى العشبـه كمـا الحـواج
يحـاول يصطنـع قـصـه وبـيـن الخـلـق يدرجـهـا
وانـا مانـي كثيـر الهـرج واعـرف نيـة الـهـراج
وبـعـض اهــروج تمرضـنـي ولكـنـي اعالـجـهـا
ابا اطلق لسماء فكري وابا اطلق لرجال احجاج
وخـيـول الـيــل والـغــاره مـدربـهـا ومسـرجـهـا
بـرد العلـم لصاحـي ولاعلـى المـريـض احــراج
ملفـاتـه تـحـت درجـــه مـتــى مـــاراد يـدرجـهـا
[/align][/cell][/tabletext][/align]

ثغَــــرْ · 05-20-2012, 10:06 PM

.

.

.

http://www.youtube.com/watch?v=hkeLa8BpQac

شيء بقلبـي واهجه مستـمري
.......... لولا ازرق الـدخان يطفي لهيبه

سلط على الدخان لوهو مضري
............لـه حـزة عند احتكـام المصيبه

وأنا الذي ماأبدي على الناس سـري
........من خوف سود اهل الوجيه اتحكيبه

أصبر على ضيـم الدهر والتعري
.........من شأن من يرضى علي الغليبـه

وأبعد مجالي عن عيال التزري
...........مـن لاهوى قلبي دواه المغيبـه

أخاف لـي من مجلس مايذري
..........فـي جانبه بـوم حسـاسه صليبه

سـوالف مابين تجحـد تقري
............يـجرح فـؤادي عيتن وابتليبه

والله خلـق بالكون ثلثين بري
..........يكفن عن ثلث البحر ويـش ليبه

إليا نويت الدرب ماني بطـري
.............أمس للفرجـه حبــال النجيبه

وأقطـع تهاتيه الخلا باالتجري
...........والـي يجيبـه والي أمري يجيبه

يرضين المقسوم خير وشــري
..........لوعضني ناب الدهر ماأنتخيـبـه

من خوف يضحك لي وهو يستغري
...........يفتل حبــال السوء مايندريـبـه

يفرح علي بكل شيء يمــري
.........وان شاف يمي خيـر عنـي نهيبه

لـ بندر بن سرور

/

الصهد / طبتْ وسلمتْ

الصهد · 05-21-2012, 10:12 AM

قصيدة رائعه لشاعر علم الله يرحمه وموتى المسلمين آجمعين
ومشاركه اروع الله يعطيك ِالعافيه ويسلمك ِ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
الانتقال إلى العرض العادي العرض المتطور الانتقال إلى العرض الشجري	تقييم هذا الموضوع: