حال العرب يبغى لها اصلاح واعمار

[عبدالله المرشدي]

السلام عليكم ورحمة الله وبركاته
احمد لله الذي من علينا بنعمة الامن والاستقرار
واسئله ان يتم نعمه علينا وان يطفي نار الفتنه والتفرقه في الامه العربيه بشكل عام وفي دولة مصر الغاليه وان يحفظ لنا مليكنا وحكومتا الرشيده,,,,
اخر الجديد آمل ان تنال رضاكم ...

[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يابدر دور في قنوات الاخبار =حطه على اللي مايكذب خبرها
تلقى ترددها على بث الاقمار=صافٍ خبرها مايشوش قمرها
سيفين والنخله لها رمز وشعار=وسمٍ يميزها ويبرز صورها
هات الخبر لبوك عن مصر وش صار=بشر عسى ربي بنصره نصرها
مصر الحبيبه دمها بالعضب فار=ماعاد تعرف وجهها من ظهرها
ميدان تحرير العروبه ولع نار=بين المعارض والموالي شررها
ناتج ثلاث عقود بعناد واصرار=ثار الشباب لحالته وافتكرها
تجمع الرايات من كل الاقطار=لو يختلف مفهوم وجهة نظرها
احدٍ بغى التغيير واحدٍ بغى الثار=واحدٍ بغاله حاجةٍ ماذكرها
واندس راس البلطجي واطلق النار=على جموعٍ بالقنابل حشرها
وحسني ثلاث عقود كم طق مسمار=في كيد عدوان البلاد ودحرها
مواقفه ماتنجحد سر وجهار=والشعب له فيما مضى قد شكرها
ياقو باسة كيف للحين منهار =رغم الظروف اللي تفاقم خطرها
لو كان له زلات للذنب غفار=ربي عباده بالتسامح ومرها
ماعطوه فرصه واقبلو منه الاعذار=دام الحواجز للتفاهم كسرها
حال العرب يبغالها اصلاح واعمار =وان ماعمرها الله فلاحدٍ عمرها
هبت رياح التفرقه والغطا طار =عن روس قومٍ ماتخلي قشرها
نار الفتن تشتب في كل الامصار=مصرٍ تعداها ومصر تغمرها
الغرب تطحن بالرحا دار مادار=واللي براسه حب يطلع نحرها
تلعب علينا لعبة البس والفار=قدامنا تمشي وتحفر حفرها
الوضع مزري والحدث شد الانظار=مدري متى تركد ويصفي كدرها
والحمد لله دارنا دار الاحرار=من فضل ربي ماشكت من قهرها
مادامها في حكم وافين الاشبار=يحمونها من برها لابحرها
وحنا حماة الدين لاصار ماصار=ناقف سوا بدوانها مع حضرها
الشعب ينبض بالوفا صغار وكبار=لقيادته واله الفخر من فخرها
والله يعز اللي على الحمل صبار=اللي وجوده كل ثغره سترها
خادم بيوت الله وحامي حمى الدار=صقر العرب شمس البلاد وقمرها
يعيش ابو متعب لنا عز وستار=وتعيش دولتنا عزيزٍ ثغرها
وصلاة ربي عد ماتمطر امطار=على شفيع الخلق واطهر بشرها
[/poem]

[الماجــد]

صح لسانك أبو بدر

جزلة من شاعر جزل

[.. هـإج ـس ..}]

اللهم اهدهم لما هو خير لهم

عبدالله المرشدي

صح لساانك ملياار


لاهنت

[البارع]

مصر الحبيبه دمهـا بالعضـب فـار

ماعاد تعرف وجههـا مـن ظهرهـا

ميدان تحريـر العروبـه ولـع نـار

بين المعـارض والموالـي شررهـا

ناتج ثلاث عقـود بعنـاد واصـرار

ثـار الشبـاب لحالتـه وافتكـرهـا

تجمع الرايـات مـن كـل الاقطـار

لو يختلف مفهـوم وجهـة نظرهـا

احدٍ بغى التغيير واحـدٍ بغـى الثـار

واحـدٍ بغالـه حـاجـةٍ ماذكـرهـا

عزالله انك اوفيت واكفيت يابو بدر واختصرت الحاصل والله يزين حال مصر ويكتب لها الخير ’’’

تقبل تحياتي ,,

[{ أبوفيصل }]

ياسلام وياسلام أحلا تحيه تعظيم سلام

وش هالمدويه يابوبدر في ذمتي ذمه عطيت الشعر حقه وزود

صح لسااانك ياشاعرنا الى ماله حد وحدود

أرق التحايا لك وأعذبها

[نايف تراحيب]

يا ماشاء الله تبآرك الرحمن


صح لسآنك يابو بدر

والله يستر على ديآرنا ويخلي حكآمهآ

ويعين مصر واهلها


احترآمي وتقديري


/


،

[الأدميرال]

صح لسانك ياعبدالله المرشدي

[جهز الهرس]

عبدالله المرشدي
صح لسانك على الابداع
قصيده عصمى قريتها واعجبتني كثير
بيض الله وجهك وسلملي على الوالد

وأن كان تحفظ من قصائده شي لاتبخل

[عبدالله المرشدي]

المشاركة الأصلية كتبت بواسطة الماجــد صح لسانك أبو بدر جزلة من شاعر جزل

الماجد


صح بدنك


تحيتي لك

[عادل العصيمي]

ابو بدر


صح لسانك وبيض الله وجهك على القصيدة الجزلة والوافية


تحياتي


,