يالربع وش معنى كلمة ياوجودي بالشعر

[المورقي ا]

تكفون عطونا معناها كلمة وجودي او ياوجودي وش معناها بالظبط وليش يقولها الشاعر ؟؟؟؟

[وليد المقاطي]

هلآبـك اخوي ،،

التوجـد يعني الحزن الغامر على الشخص والتحسف على حالته او موقف حصل معه ،

وهنآ مثال قريب لك من الشاعر الكبير لافـي الغيدآني حيث قآل :-

--

وجودي على شوفة وليفي وجود صبي
.........بعد ما وعى قلبه تفاجا بموت أمه
طواه اليتم فأول شبابه ووضعه سي
.........عقب ولية أمه صار في ولية العمه
إلى سوّت الطعام تعطيه منه شوي
.........ومن وين ما أمسى نام متوسد كمه
وأبوه أجودي حي لكن ما كنه حي
.........عليه اتكله والخايبة ما بها ذمه

--

هنآ الشاعر لافي توجـّد في حاله الولد الصغير عندمآ ولد وفقد امه مع ولادته مباشره ،
ومايعانيه هالولد من الحزن والظلم من عمّـته ،،

..

اتمنى افدتك ،‘
تحيتي لك

[الأدميرال]

التوجد ماينشرح بس يوضح من البيت علي المعني

[المورقي ا]

جزاكم الله خير يابعدي