حفل عبود هريسان المقاطي العتيبي في أم رقيبة2010
قصيدة الشاعر حسين علي المقاطي العتيبي
الأبل لأهلها
جاء للقصيدة مجال وجت قوافيها = تسلسلت يابن مغدن يوم أغنيها
قامت تهايل مثل ماأنهالت الهيلا =على شفاشيف نجد وربعت فيها
قصيدة" قلتها صفطان ومشارك= فالحفلة اللي وصلنا صوت داعيها
حفلة عبود المقاطي طيب السيرة =من شانه أنكنسل الأشغال ونجيها
يستاهل اللي يجي له ويتعناّ له = راس" رسا للمراجل ومتحديها
رجل" بنا أسمه بنفسه حي هاليمنى = اللي تطول الصعايب ثم تهديها
كم طولة" هازها ثم هزها وجت له = وأرهى عليها الريال وطال عاليها
ثم كمل المرجله فالبل وولفها = فيها الملايين دون حساب مصخيها
كم هجمة" طبها ثم طلع أطيبها = يكحل بها عيون ولا عيون يعميها
ما ياخذ ألا الخيار ويرفع السومه =حتى يرخص غلاها عند مغليها
منقية" بالنظر والمال نقاها =بالزين واللون بينة" مواريها
وضح" سهاف" دقاقات" يشوقنك= أكبار" أجرومها أصغار" مواطيها
مرق الغوارب سنام الوحده منهن = زبارة" خشمها العاصوف لاحيها
هزع العراقيب والأرقاب منتله =والروس روس الجمال وخرع أذانيها
طخم" خراطيمها عرنونها ضافي = أعراض" خدودها أطوال" لواحيها
أمعكرشات الوبر والوصف والرونق = تقول خوات ماكنه منقيها
وان هوبل الراعي وغنا وصاح الها = ترايعت كلها للي يناديها
وان مرن اللي يعرف الصنف ما عذرب = ياالله عسى من عيون الناس تنجيها
يستاهل البل وأبو عبدالله اينومس =ولاهي غريبة عليه وهو راعيها
غريبة" عند من لاجابها منول = يوم الرياجيل بالأعمار تشريها
يوم المغازي ويوم السيف والشلفا = والخيل والجيش والقوم ومغازيها
ما جابها ألا رجال" تنطح الغارة = حماية الساقه ولاأحد" يناحيها
أمثال ابن هندي اللي شايع" صيته = دون المغاتير كم روس" موطيها
قام وتعزوا بها ثم قط أخو نوضا = خمس وثلاثين لحية بين أياديها
ومثيب ابن محي وابن كامل ومغدن = وقراش مع عالي الفجري دواهيها
والبل لأهلها وحنا امتيهين البل = ترعى بهيباتنا والوسم حاميها
وسم المقاطي عليها يرهب الطامع = كم طامع" جندلوبه في مفاليها
اما بضرب السيوف وزرقة الشلفا = والا بعفر الشوش واذلال باغيها
حامينها ومن نواها وايق وعود= كم سربة" غارت وضاعت هقاويها
نرعى بها الخوف لازافت نواويرة = في كل ديرة ونمشي في مشاهيها
قدام يطلع على البل جيلها التالي = واحدهم ايدور الشهرة وطاريها
قالوا له البل هي الشهرة وقال الهم = أشروا لي البل لو انه ما يدانيها
تاجر ولي قيمتي وأسمي بلا شهرة = وعندي ملايين مدري وين أوديها
ومصانعي دخلها مليون في ساعة= والبل دعاية فقط لو كان مابيها
ياهن خل البل لناس" تقدرها = سلايل اللي تهيب في عزاويها
البل لها حشمة وتقدير ومدارا = وحنا من اللي يقدرها ويداريها
مصيونة" من عهود أسلافنا الأولى= متوارثه مع رياجيل" تراعيها
نهتم بأنتاجها ونصون معمقها = ونعلي بشأنها والله معليها
واليوم ننعم بأمان وحكم أخو نورة= ونسوقها للمزاين والفخر فيها
حظوظنا طيبة من طيب هومتنا = والبل لأهلها وحنا مانخليها
ياالله عسى الغيث ينزل في مداهلها يساقي الديرة الجدبا ويحييها
من صب مزن" كما الشلال صبابه = مدة" كريم" محول الأرض يسقيها
وياالله عسى الرقم الأول فال أبن مقحص = اللي جمع قاصي اللابة ودانيها
شيخ" تطول الرقاب بفعلة الطيب =أحيا النواميس بأفعال" مسويها
ياعبود نومستنا بأسمك وبأفعالك = بين المشاهير لانادوا بأساميها
وجمعة بني عمك وشهر أسمك السامي = تسوا الجوايز من أولها لتاليها
وهذه صور من التغطية الحفل
الأمير عبدالرحمن بن سلطان بن حميد
( محآتسيكم ) 
بالتوفيق يا ابوعبدالله لحصد مركز مميز
منقول من شبكه العتبان بالكويت 
| 
|
12-18-2010, 11:11 PM
حفل : عبود بن هريسآن المقآطي - ام رقيبه 2010
العرض العادي
