علاقات النت!

[خيّال الهيلا]

من البديهي في مساحة " خفيه " مثل النت ..
انه تكثر الاقنعه .. بكافه الانواع وبكافه الاسباب والاهداف .. لان مسألة الاخفاء والاظهار والتغيير والتثبيت .. امر نسبي

في لحظة ممكن تصير باي شكل كان وباي مقام كان وباي رؤيه كانت ..
سواء منهم لك .. او سواء منك لهم .. كلها اشياء بسيطه ..

في كل مره التقي مع شخص اعرفه بالنت .. سواء كان التواصل بالمنتدى او كان التواصل بالماسنجر ..
الا اني ارى ذلك الشخص الذي لا يظهر الا حسنات نفسه بشكل او بآخر .. فكيف اثق فيه وهو يخفي عني!


فمافي شخص بيقول انا قد هاوشت او قد ضربت او قد صرخت او قد شتمت
ولا فيه شخص بيظهر المشاكل اللي يعاني منها ..

صح هي اشياء خاطئه ومافي فخر فيها لكن برضو الناس تحتاج اشخاص طبيعين
يغلطون ويفشلون ويعانون وينجحون ومره يطلعون ومره ينزلون ..

المشكله هنا ليس عليك ان تكسب ثقه .. كل ماعليك الا ان تدخل بينهم .. وتبدأ تأخذ صوره لنفسك صورتها وتبدأ ترسلها لهم ..
يلزمك قليل من الثقل .. وقليل من التواضع .. والابتعاد عن ثياب الرسميه ..

وستجد انك تشكلت في نظراتهم كما صنعتها انت .. فبالاساس هي المساحه عباره عن " تواصل كيبوردي "
خلف شاشه مربعه .. تظهر ماتريد وتخفي ماتريد ..


انا ممن يتواصل ويعتبره تواصل مثل الحياه العاديه .. لكن يوم عن يوم اكتشف ان الفرق كبير
مايعني اقلل او اعتبر كل شخص فيها على زيف .. ولايعني اصوّره بمثل الصوره اللي صنعها هو ..



طبعاً هذا الطرح نوعاً ما مكرر .. لكن في السابق كانت على نقل وهالمره ككتابه لي ..
ومازلت على نفس التصور ..


هالمسألة مازالت تعيش فيني لاني لما اجد لها حلاً كافي ووافي ..

[الماجــد]

كن كما أنت

فتجميل الصورة لا يخفي المساوئ

الواثق من أخلاقه وقدراته لا يتشكل ولا يتصنع ولا يتلون

موضوع رائع أخي خيال الهيلا

[خيّال الهيلا]

كلام جميل يالماجد ..

لكن مافي احد يقدر يقوم فيه لانك انت تفكر قبل ماتكتب وتكتب مايترك لك صوره مميزه
فانت سهل تكسب الثقه لكن لو خسرتها صعب ترجعها

لهالشيء .. كلنا نحاول نحافظ على الاشياء اللي تميّزنا ..
وهالتميّز دائماً يكون مبني على رغبه فرديه.. يعني ممكن تقوم بشيء لصالحك على شيء اكثر صراحه مو لصالحك ..




شكراً لك ..

[الماجــد]

المشاركة الأصلية كتبت بواسطة خيّال الهيلا كلام جميل يالماجد .. لكن مافي احد يقدر يقوم فيه لانك انت تفكر قبل ماتكتب وتكتب مايترك لك صوره مميزه فانت سهل تكسب الثقه لكن لو خسرتها صعب ترجعها لهالشيء .. كلنا نحاول نحافظ على الاشياء اللي تميّزنا .. وهالتميّز دائماً يكون مبني على رغبه فرديه.. يعني ممكن تقوم بشيء لصالحك على شيء اكثر صراحه مو لصالحك .. شكراً لك ..

ليس بهذا التعميم فالإسلام ربى المسلمين على الصدق في القول والعمل

وهناك العدد غير القليل ممّن نلحظ في كتاباتهم صدق القول وصدق السريرة

وإظهار الحسن من القول والفعل أمر دعا إليه الإسلام وحببه

إما أن يقول كلاماً أو يتلبس خلق ويبطن غيره فهذا النفاق بعينه

شكراً يافاضل

[؛؛ابو ريناد؛؛]

الخيّال موضوع جميل ولاكن لو حطيت نفسك فلتر السيد( قوقل )لم تجد واحد من المتجولين والعابثين في دهاليزه يبدي شي من مساويه
صحيح تبدو الشخصيه من خلال ماتطرح ولاكن محترفو التزييف كثر
سيدي لك الود والتقدير

[خيّال الهيلا]

الماجد..


انا ماوصلتها للكذب .. لكن الانسان بطبعه لو بيده يخلي نفسه بافضل حال دائماً ..
هالشيء فطري .. وفي النت بيكون الدافع سهل للوجود ..

فهمت علي ؟ انت قلتها سابقاً الواحد يخفي عيوبه ويظهر حسناته ..
هالشيء لو كان بعفويه ممكن نقبله .. لكن يوم يكون اسلوب تعامل مع الكل .. هنا ممكن يكون تغيير صور كثيره ..


شكراً لك ..


ابو ريناد ..

انا مثل ماقلت بطرحي مو يعني كل شخص اعتبره على زيف ..
لكن انا اتكلم عن مسألة كل واحد يصوّر نفسه بالطريقه اللي يرغب فيها بغض النظر عن واقعه هو ..


شكراً لك ..

[شيخ الشيوخـ]

السلام عليكم ورحمة الله وبركاته

احييك ياخيال على هالموضوع

الناس اجناس ومهما حاول الشخص ان يخفي سريرته فهي لابد تظهر وان طال الزمن

كثير يدعون المثالية وقليلون من هم كذالك

ولاكني والله العضيم تعرفت على اناس كثير عن طريق الانترنت وبالاخص موقعنا وماتندمت على معرفتهم فالرجال يبقون رجال على الانترنت او في المجالس والحياه اليوميه لايتغيرون


وبصراحه الانسان يكون على سجيته وعلى نيته افضل من انه يستخدم طرق اخرى مهما كانت هالطرق ومهما كانت الاهداف
هذا ما احببت ان اضيفه



سلام مربع ياخيّال :)

[كشخه ورزه]

خيال

الانسان مهما حاول تزييف ذاته تخرج

شخصيا احب اكون انا كما انا

شكرا خيال الهيلا

[أميرة الورد]

خيال الهيلا

والذي نفسي بيده منذ دخلت النت قبل عدة سنوات وإلى اليوم
ولله الحمد والمنه لم أغير من طبيعتي شيئآ أو أخفي عيوبآ أو أظهر محاسنآ
والواثق من نفسه لايعنيه إظهار المحاسن فقط أو تجميل صورته لأنه لايبحث عن الثناء
خصوصآ نحن معشر النساء ممن نكتب بألقاب لا بأسمائنا الصريحه فلايعنينا أن نخفي عيوبآ أو نظهر حسنآ ...
ومع ذلك تأبى أخلاقنا التي تربينا عليها أن نبدي محاسنآ
ليست فينا أو نلبس أقنعة مزيفة نحجب بها شخصياتنا الحقيقيه ...
ومن فضل الله عليّ أني تعرفت من خلال النت على ثلاث صديقات من مدينه غير مدينتي وقد التقيت بهنّ في الحرم المكي هذا العام برمضان فكنّ تمامآ مثلما أظهرن أنفسهن لي بلا زيف أو أختلاف ...
والله أنهنّ الآن من اقرب الصديقات لي

خيّال الهيلا ,,, دع الخلق للخالق وأحسن الظنّ بالناس
ومن يزيف واقعه أو يجمله أو يلبس نفسه جلدآ منمقآ
غير جلده تأكد أن حقيقته ستظهر عاجلا أم آجلا


خيّال الهيلا ,,, يازميل المهنة العزيز
<<< أنت مفصول من اللجنه لهالحين ولا هونت هع هع



طاب لي متصفحك النقي الذي يعبق بعطر الصدق
حفظك الله ورعاك وبارك فيك

[خيّال الهيلا]

شيخ الشيوخ ..

لهالشيء انا طرحت هالطرح لان الناس تختلف لكن في النت بتلقى الكثير بيوصلك بنفس الطريقه ..
تقريباً كلهم نفس الوجه النتّي .. واقصد كلهم على نفس التواصل ..

وانا تراي ماتكلمت عن الاشخاص نفسهم ولا حددت انهم على شين او على زين ..
لكن اتكلم عن جانب واحد بغض النظر عن الاشخاص اللي نعرفهم .. اتكلم على ان فيه مساحه لان الواحد يصوّر نفسه مثل مايرغب ..

انت لو اسألك تقدر تخفي مشكلة انك توقفت بالسجن بسبب اعتداء .. سهل تخفي بالنت
لكن لو بالواقع صعب انك تخفي .. وترى على فكره انا يوم تواصلت معك بالماسنجر كان غير يوم تواصلت معك بالنت .. صح ولا لا ؟


شكراً لك ..


كشخه ورزّه ..

اللي يخفي اصلاً بيعيش صراع في نفسه .. وانا ما اتكلم على انه يظهر او مايظهر ..
لكن اتكلم على ان نفس الانترنت وعلى اللي نفس فيه .. وكيف نعيش بهالمساحه ..

شكراً لك ..

اميرة الورود ..

مسألة الاسماء الصريحه والالقاب .. برضو هالشيء من حكاية الاختلاف بين الواقع وبين النت ..
فغالبية من نتعامل معهم هم ورى اسماء لا نعرفها .. القاب نرجسيه غالباً ..

واحياناً اللي في النت مو شرط يقصدون التغيير لهدف ما .. بس نفس التعامل اصلاً يكفل على هالشيء
يعني انتي مثلاً متأكد انك مره قد غلطتي بحياتك خارج النت .. لكن لو ممكن ابحث في النت ماراح القى نفس الصوره ..

لانك تفكرين قبل ماتتصرفين بشيء .. عكس الواقع اللي احياناً تجي مواقف تتصرفين قبل ماتفكرين ..
يعني فيه اشياء كذا بنفس الوضع لهالاختلاف ..


وانا ماقدر اترك اللجنه .. بس وش اسوي بالماجد ..
: )


شكراً لك ..