- ضلعن تحت عروى على راسة أطرقت ,

[» عبدالعزيز «]

بسم الله الرحمن الرحيم
السلام عليكم ورحمة الله وبركاته



أسج رجلي وسط عروى ليا
ضقت.
وأفرح بشوفتها ليا العين
ضاقت..
في حبها لليوم ياقوم
مافقت.
عروى محبتها على الروح
فاقت..
لو غبت عنها عام في حبها
أشتقت.
ولا فيه حاجة بيننا قيل
عاقت..
وضلعن تحت عروى على راسة
أطرقت.
والعين فوقة لأزرق الدمع
ساقت..
قمت أتذكر مامضى للعرب
وقت.
وقت الشيوخ اللي للأخصام
عاقت..
هاذا وأنا فجري وفي قافي
أبرقت.
وهاذا هوى نفسي وماكان
لاقت..


عبدالعزيز راجح الفجري

[.*إنـْسَـآن عَـآدِي*.]

وُصـ’ـرّت شآإعر يـا ابو الع’ـز
لِيْ عَوُدَةْ =)

[م ا ج د]

هذا الغزل والا بلاش

عروى والبل ماتروى هع


عبدالعزيز ماشاء الله وش هالمواهب المدفونه :)


صح لسانك وبيض الله وجهك .. ويحق لك تتغزل في عروى

تحياتي لك ياغالي

[اصايل]

حركات ياعروى *_*



صحح لسانك عبد العزيز ..

[بنت الهيــــلا]

ذكرتني أبياتك بقصيدة الشيخ حشر بن حميد في عروى

أبياتك راقة لي كثيرا خصوصا أنها تصف مكان شيوخ عتيبة

( المقطــة )

صح لسانك عبد العزيز واعتلى شانك
وبنتظار جديدك

[عبدالله المرشدي]

صح لسانك ياعبد العزيز

ابيات جميله وتستاهل عروى

تحيتي لك

[عربو]

صح لسانك يا عبد العزيز وتستاهل عروى جعلها بالسيل




صوره لـ عروى الحبيبه

[سيوف]

ماشاء الله عليك عبد العزيز منت هين تقرض الشعر

الحين عروى تقصدها الي بين الرويضه والشعراء صح

[» عبدالعزيز «]

المشاركة الأصلية كتبت بواسطة .*إنـْسَـآن عَـآدِي*. وُصـ’ـرّت شآإعر يـا ابو الع’ـز لِيْ عَوُدَةْ =)

في إنتظارك :)

[وليد المقاطي]

قمت أتذكر مامضى للعرب
وقت.
وقت الشيوخ اللي للأخصام
عاقت..
هاذا وأنا فجري وفي قافي
أبرقت.
وهاذا هوى نفسي وماكان
لاقت..

..
الله الله

والله والنعم فيك وفي اهل عروى وياعساها لـ السيل :)

صح لسانك يا ابو راجح ولاهنت وجزل ولاتجيب الا الجزل
لكن لي حق عليك انا ولد عمك ولا ادري انك شاعر ^_^
تحيتي لك