تحرانا لبيض الديك واثر الديك ماباضي !

[عبدالله المرشدي]

السلام عليكم ورحمة الله وبركاته
وتقبل الله طاعتنا وطاعتكم كيبورديه على الطاير اتت في موقف
ارجو ان تنال رضاكم
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
توسطنابك وياليتنا بك ماتوسطنا=ثلاث شهور توعدنا وتلطعنا على الفاضي
نواعد مثل ماتوعد وتاليها تورطنا=تدور معاملتنا من شهر في مكتب القاضي
بدايتها تصبرنا وتاليها تمرمطنا=تحرانا لبيض الديك واثر الديك ماباضي
دعاوينا ليا طالت تفكك من ترابطنا=ولو كنا كما كنا بعضنا عن بعض راضي
انا وانته من اولها لتاليها تشارطنا=على قدام نمشي مانلد خلاف للماضي
ندرجها مع اللي حولنا ماقد تلخبطنا=واذا غابت نطلعها ولو من تحت الانقاضي
كفايه لاتطولها على ماجات قلطنا=تعذر والعذر يقنع رفيقك دام متغاضي
[/poem]

[نسمة غلا]

حجز اولي وملكي ولي عودة

[عادل العصيمي]

عبدالله


صح لسانك


هذا السهل الممتنع :)


الله يقبل منا ومنك صالح الأعمال


لا هنت


,

[نايف تراحيب]

هذا والله الشعر الحقيقي

الله لا يهينك يا عبد الله المرشدي

والله اني من متابعينك يالقرم

احترامي وتقديري


/


،

[عذب السجايا]

صح لسانك ياعبدالله

وربك يحلها ماغيره

[فهيد مقعد الرويس]

هههههه

الله يسلط على ابليسك يابوبدر

بس الله يقديلك فيه ليه يوم يبلش عمره

صح لسانك

تحيتي وتقديري

[ناصر بن سعدي]

صح لسانك شاعرنا الجميل ..

أبو بدر ..

ونص جميل .. ونحتاجه كثيراً :)

وبالتوفيق لك ,,

[البارع]

والله ان بعض الفزعات انها تجيب المرض ........... قصيده وافيه مثل راعيها

صح لسانك مدد بلاعدد ......... تقبل تحياتي

[عبدالله المرشدي]

المشاركة الأصلية كتبت بواسطة نسمة غلا حجز اولي وملكي ولي عودة

الشاعره نسمة غلا

حياك الله

[عبدالله المرشدي]

المشاركة الأصلية كتبت بواسطة عادل العصيمي عبدالله صح لسانك هذا السهل الممتنع :) الله يقبل منا ومنك صالح الأعمال لا هنت ,

عادل العصيمي

صح بدنك

ولاهنت