عيآل عمي دآمت الشمس حيّه ~

[ع’ـين آلهيلآ]

×


السلآم عليكم ورحمة آلله وبركآته ،،


مسآكم آلله بآلخير جميعا ~


وشلونكم عساكم بخير ونعمه ،،


آليوم آول موضوع لي بآلنت كله ،،


أنآ مآ أقول إني شآعر لكن أكتب من آللي يخطر في بآلي وللحين مآصرت متمكن من كتآبة آلشعر ،،


بس إنه هوآيه عندي ، فمآقد نزلت أبدا قصيده لي بآلنت ،، خوف ان احدن ياخذها وينسبها له وكثير تصير وصارت لواحد من العيال ،،



فآليوم لي الشرف إني بنزل قصيده لي كآتبهآ يوم عودتنآ من آلديره أنآ وعيآل عمي ،،


ووآصف فيهآ وش كنآ نسوي بآلقصيده ،،


حيث إننآ كل يوم نقوم مع الفجر ونزين قهوتنآ ونجلس انتقهوى ونفطر ونعين من الله خير ونطبخ الغدا وبعد الغدا ناخذ العزبه ونطلع نجلس تحت أحد الهضاب ونزين قهوتنا وشاهينا وانتقهوى وكلن يقول القصيد آللي عنده ونغني الأبيآت والقصايد كطلعه شبابيه يعني ،، وبعدها نطلع نرقا الهضاب وانتفرج بالأرض ومناظر عالميه والجو الخيالي ،،


وقلت خلني أنزل القصيده هنا للأعضاء ويعطوني انتقاداتهم ان كان فيها شي بحيث إننا ننتبه المرات الجايه ،،


وأن شاء الله ابنزل اي شي اكتبه وناخذ انتقاداتكم وأرآئكم ،،








وقلت /



أبآصف آللي معهم إرتآح بآلي
عيال عمي دآمت آلشمس حيّه

نوينا ممشانا وفحدآ آلليآلي
لديرتي مرواحنا فآلضحيّه

الواحد اللي مننا دوم سآلي
مآفينا لآحقد(ن)‎ ولآمكرهيّه

شفنا الهضاب وشفنآ زول آلجبآلي
ومنزالنا قاع آلهضآب النقيّه

ونعرض آلصريصري للظلآلي
وننزل العزبه وفي صافي نيّه

و نشعل آلنآر و سنآهآ يلآلي
ونغني ابيوت(ن)‎ ولو سآمريّه

ونصلح اللي في صبوبه خيآلي
يرنع في راسي ميتبقى بليّه

نعطي ونآخذ من قصيد(ن)‎ يقآلي
مآدامنآ مثل اللي أخو(ن)‎ وخيّه

نرقى ونعتلي ولأم رآس عالي
الهضبه هذي .. من وراها هذيّه

وفآلسمآ من فوق كوم‎(ن)‎‎ خيآلي
ياربي تمطرهآ يآرب آلبريّه

نستغفر اللي ماحكمله زوالي
لامنه أقبل حزت المغربيّه

قآف(ن)‎ على بالي يومنه طرآلي
كتبته والشاهد عليّه .. يديّه


وسلآمتكم يالربع


أخوكم / ع,ـين الهيلآ .. :)

[عبدالله المرشدي]

صح لسانك ياعين الهيلا

محاوله ناجحه

وهذا رايي من نظره سريعه

اشوف ان هالابيات


ونعرض آلصريصري للظلآلي
وننزل العزبه وفي صافي نيّه

نعطي ونآخذ من قصيد(ن)‎ يقآلي
مآدامنآ مثل اللي أخو(ن)‎ وخيّه

نرقى ونعتلي ولأم رآس عالي
الهضبه هذي .. من وراها هذيّه

قآف(ن)‎ على بالي يومنه طرآلي
كتبته والشاهد عليّه .. يديّه


بعض الاشطر وزنها شوي يبيله تعديل
ماشاء الله عليك

حاول تغنيها على البيت الاول وراح تضبط معك لان واضح ان عندك موهبه شعريه جيده

صح لسانك مره اخرى

ولا وصيك استمر والا الامام

[شموخ النايفات]

وفآلسمآ من فوق كوم‎(ن)‎‎ خيآلي
ياربي تمطرهآ يآرب آلبريّه

نستغفر اللي ماحكمله زوالي
لامنه أقبل حزت المغربيّه

قآف(ن)‎ على بالي يومنه طرآلي
كتبته والشاهد عليّه .. يديّه



انا مالي بالقصيد بس ابياتك
روعه
صح لسانك واعتلى شانك
والله يديم عليكم المحبه ولايفرق شملكم

[ع’ـين آلهيلآ]

المشاركة الأصلية كتبت بواسطة عبدالله المرشدي صح لسانك ياعين الهيلا محاوله ناجحه وهذا رايي من نظره سريعه اشوف ان هالابيات ونعرض آلصريصري للظلآلي وننزل العزبه وفي صافي نيّه نعطي ونآخذ من قصيد(ن)‎ يقآلي مآدامنآ مثل اللي أخو(ن)‎ وخيّه نرقى ونعتلي ولأم رآس عالي الهضبه هذي .. من وراها هذيّه قآف(ن)‎ على بالي يومنه طرآلي كتبته والشاهد عليّه .. يديّه بعض الاشطر وزنها شوي يبيله تعديل ماشاء الله عليك حاول تغنيها على البيت الاول وراح تضبط معك لان واضح ان عندك موهبه شعريه جيده صح لسانك مره اخرى ولا وصيك استمر والا الامام

يآهلآ بأخوي عبدالله يامرحبا ومسهلا والله ،،

صح بدنك يالغالي ،،

آلله لآيهينك على لانقد .. وآنآ بحآجه للنقد ولآ آلشعر أحب أكتبه وأسمعله بس كتآبتي مثل منت شآيف نآقصهآ شوي بس ،، بحيث إن بعض الشطور مع الغنى يجي فيها ركاكه ولا انتبهلها ،،

وإن شآء آلله باطرح قصآيدي البآقيه وبإذن الله نستفيد من النقد ،

صح بدنك يالأمير ،،

أبشر ولآتقآطعنآ بنقدك عآد ،،

حيآك آلله

.:.:.

[ع’ـين آلهيلآ]

المشاركة الأصلية كتبت بواسطة الـجـادل وفآلسمآ من فوق كوم‎(ن)‎‎ خيآلي ياربي تمطرهآ يآرب آلبريّه نستغفر اللي ماحكمله زوالي لامنه أقبل حزت المغربيّه قآف(ن)‎ على بالي يومنه طرآلي كتبته والشاهد عليّه .. يديّه انا مالي بالقصيد بس ابياتك روعه صح لسانك واعتلى شانك والله يديم عليكم المحبه ولايفرق شملكم

حي آلله الشيخة يآمرحبا ،،

هههههههههههههه ،،

صح بدنك يالغاليه الله لايهينك على هالطله ،،

آمين يآرب تسلمين ..

حياك ربك ~

.:.:ز

[غـرودي]

صح لسانك اخوي

كلمات رائعه .. واعجبتني المعنى في القصيد

تسلم يمينك

[ع’ـين آلهيلآ]

المشاركة الأصلية كتبت بواسطة غـرودي صح لسانك اخوي كلمات رائعه .. واعجبتني المعنى في القصيد تسلم يمينك

صح بدنك يآلشيخة ،،

آلرآئع مرور أعضآء هآلصرح آلشآمخ ~

تسلمين يآبعدي ،،

ويمين من ترك مروره يآرب :) ،،

.:.:.