تسأل وش اللي في؟

[حصة العتيبية]

تسأل وش اللي في ؟ بـ اقول وش في=حتى وذكره يحرق القلب جمره

كنت أحسبك دون الملاهيب لي في=وما غيرك انته بس أنا اطيع لـ امره

وكنت اعتبرك (ا)دثاري اللي يدفي=والوافي اللي ما يجي منك غدره

واثرك تلف سيور غدرك وتخفي=لي هندستك بكل حنكه وقدره

وتضحك بوجهي واثرني منك مجفي=وتعطي الامان وتحتي (ا)تحفر حفره

واليوم ما قد صار لي منك يكفي=جانب طريقي خاطري ملّ صبره

عندي علوم(ن) لجلها عنك بـ اقفي=وعيني بها عبره وبالصدر زفره