مجال العليّا

[بدر ناصر المورقي]

السلام عليكم اعضاء هذا المنتدى الشامخ هذه متواضعه راجيا لها القبول

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من لا يعانق بالطموح الثريّا=يبقى على طول الدهر تحت الاقدام
واللي وفا في عهده وما تهيّا=يجني ثمار اوفاه بالعهد قدام
واللي يجونه بالمروه وعيا=لا تحْسب انه بالشدايد لك حزام
مفلس خبيث النفس مابه حميّا=ملعون في سوق الملاعين سوام
هو والردايا بالخنادق سويّا=ضايع وفى بحور المناقيد عوام
فعله جبان وبالسوالف عتيّا=ويروغ روغ الثعلب ان جاه ضرغام
ولاّ الوفي يرقى مجال العليّا=حرٍ على روس الشواهيق حوام
كريم في روض المكارم تفيّا=وافعاله بهام الفخر ترفع اعلام
ومن بين ربع المجد ماله حليّا=غيمٍ وباطباع الميامين رزام
نفسه من اخصال المطاليق ريّا=وقلبه على حصد الجزيلات عزام
ولو شاب راسه راس طيبه فتيّا=ويبقى فتي الذكر معْ شيب الاعوام
والشهم يتعب للنعم دام حيّا=وليا توفى خلدت ذكره اقلام
والغدر له بصدور الاحرار كيّا=جمره واثرها عار في وجه الايام
ان جيت اطفيها لهبها عصيّا=وان جيت اداريها تباريح والام[/poem]

بدر ناصر المورقي