سيارتك بي إم

[قوت القلوب]

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياهيه زينك زين وصوتك بعد زين=وشخصيتك فيها جنون وصياعه
عطرك غلب عطر الزهر والبساتين=ماهوب عطر إمكررين الصناعه
سيارتك بي إم من وارد الفين=آخر مديل إمصنعين البراعه
واضح عليك إنك من أهل الملايين=اللي لهم في كل واردبضاعه
فالسوق تمشي كن مالك عناوين=كن الفضى وجهتك يم إتساعه
تسابقن يمك بناتن مزايين=قامن إيهذرن إبغنج وإبفظاعه
تلافتن يمك من الغيد ثنتين=ماردهن طبع الحياء بإمتناعه
هذي تقول إنك هوى كل غاوين=وهذي تقول إنك موظف زراعه
زرعت في قلبي غرام وأمل لين=قمت أتملل فالجفاء والقطاعه
مافيهن اللي قالت أرجوك ياعين=غضي عن ذنوب الهوى وإندفاعه
الحب ماهو شخص يمشي من إسنين=في كل سوق بكل لحظه وساعه
الحب صدق إشعورمابين قلبين=كانه على وضح النقى وفق طاعه
زوجن حلال وبيت يجمع له إثنين=أماعدى ذلك تراها صياعه
أما أنا مانيب بنت السلاطين=إن غرني شخصن عكس لي شعاعه
ماني وأنابنت الرجال العريبين=بياعة الأشواق يأهل الوداعه
قلبي صدوق وغالب الناس دارين=ومن حكمتي صرت أعترف بالقناعه
والخوف من ربي وسمعة هل الدين=أبوي وأمي وإخوتي والجماعه
من ردني عن طبع بعض الغريبين=أهل الجهل وأهل الغزل والمياعه[/poem]