الذكريات القديمه

[متعب بن طواله]

[frame="3 90"]





[poem=font="simplified arabic,7,darkred,normal,normal" bkcolor="transparent" bkimage="backgrounds/7.gif" border="double,10,darkred" type=2 line=0 align=center use=ex num="0,black""]



الله يجازي ساعة العسر باللين= تباً لساعات القهر والهظيمه

لاياوجودي وجد من يشكي الدين= من كثر فقره صار من دون قيمه

على الذي عهدي بها الجيم والسين = راحت ماغير الذكريات القديمه

لاياعيون مدعجات الشياهين= رقط الصدور مصخرات الخريمه

شكل الكرز كنه على ناضج التين= وحمر الطعوس اللي عقب دث ديمه

تميزت بالعقل والثقل والدين= ماقلدة بسكال ولا حليمه

غيم الحزن يمطر عليها من العين= واصبحت لهموم الضماير وليمه

اقفت وخلتني بليا عناوين= كني ونين اللي عظامه كصيمه

حبي لها يرفا عن اللوم والشين= حب الرجال اللي تنزه نديمه

وانا على وضحا النقا مابها شين= بعض السوالف معتبرها غنيمه

وجدي وجود اللي وقع بالميادين= في ساعةٍ فيها تبور العزيمه

اليا ارجفن حمر الصواقع بالادنين= خطو الرجل يصبح بليا شكيمه

والله يجازي ساعة العسر باللين= تباً لساعات القهر والهظيمه



[/poem]

[/frame]