مصافحه ثانيه

[فهد بن شجاع العضياني]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
خلوني اخذلي من الشعر طاروق = يبعد عن القلب الحزين الهمومي
قلبٍ من الدنيا مغربل ومحروق = واليا عذلته ماتفيد العلومي
دنيا تقلب بين سابق ومسبوق= وايامها لصحابها ماتدومي
اليا اقبلت تنبتلك الارض زملوق = واليا ادبرت قامت تشن الهجومي
كم ضاع فيها من مقامات وحقوق = ماتغدر الا الطيبين القرومي
دنيا تحدانا وتضهر لنا البوق =وتحدنا مابين برد وسمومي
ياالله يالي معتلي بسما فوق = ياواحد بامرك تصيب السهومي
اطلبك مبغا عون من عند مخلوق = ياخالق دايم بخلقه رحومي
اجعلنا في دربنا خير ووفوق = وحضٍ مع احضوض النشاما يقومي
الناس والايام لاحق وملحوق= في وسط حربٍ مثل حرب النجومي
احدٍ خسر واحدٍ كسب داخل السوق = واحدٍ يسيرها لغير اليمومي
يالادمي لاتسهر الطرف والموق = وافطن لقلبك لاتجيه الوهومي
الله هو الرزاق والعبد مرزوق = والناس لازم تقتنع بالقسومي
ماكل مزن فيه رعاد وبروق = يملا من الما مظميات الحزومي[/poem]