:::.. رائعة ناصر القحطاني في مدح شمّر ..:::

[فهد العايضي]

هذه القصيده الجميله للشاعر المبدع / ناصر القحطاني .

والتي وجهها لقبيلة شمر


واليكم القصيده :





[poem=font="Simplified Arabic,5,black,normal,normal" bkcolor="transparent" bkimage="backgrounds/20.gif" border="double,4,gray" type=1 line=0 align=center use=ex num="0,black"]
الشمس غابـت وكـل ٍ دوّر سراجـه=والشوق جمّر محرّ الشـوق لا جمّـر

دام اتجاهك شمـال مودعـك حاجـه=سلّم على حايـل وسلّـم علـى شمّـر

قدامك الخافـق اللـي ينشـد علاجـه=كنه معلّـق علـى بـرزان ومسمّـر

وانت تعرف يا بعد حيي من تواجـه=بيضان الافعال لا من الزمـن سمّـر

ان ضاقوا أعنف من البحر وامواجـه=وان راقوا اركد من الخرمان لا عمّـر

كم صيت بيت ٍ عتق في الباب مزلاجه=وكم شيخ اماره قبـل تعيينـه مؤمـر

وكم حاتمـي ٍ تكفـيّ فلّـة حجاجـه=وش لون للضيف لو عن ساعده شمّر

وان مـر تاريخهـم متلبـس ٍ تاجـه=كم عاشق ٍ كيّف وكم حاسـد ٍ زمّـر

في جو ٍ اغلى على الرجلي الى داجـه=من ديرة السادس ومن ديـرة معمّـر

كنّه الى اهـدى لـه البـراق فجاجـه=خلت غرير ٍ ضحك ومن الخجل حمّر

توارثـوا حرثـه وتمتيـر ديباجـه=ركابة الجيب مـن ركابـة الضمّـر

الودّ لا غرس بدري صعب مخراجـه=والله ولا الـذّ واحلـى منـه لا ثمّـر

ادخل على اللي تطوف البيت حجاجـه=من ناقص ٍ عند مدح الغيـر يتذمّـر

والمدح لو كان في الرديان للصاجـه=ويقال عمّر بلـد بالعـون مـا عمّـر

والذّم لو زاد فـي الطيـب تولاجـه=لا احرق ولا اغرق ولا عمّر ولا دمّر

ماني بمتحسب بشعري علـى حاجـه=الا اني اروح ما غنيـت فـي شمّـر [/poem]




[align=center]وسلامتكم[/align]