باقي على شفتك روج

[((الدلبحي))]

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num="0,black"]
ياعين من حطيت عيني بعينـــــه =
وابطيت واقف في بحر عينه امـــــــــوج
ابحرت في عينه بليا سفينــــــــه=
سجيت فيهــــا لين ضيعيني المـــــــوج
حاولت الد الشوف عما يهينـــــه=
ولا انتبهــــت الا وانــا فيـــــه ملبــــــوج
شفت الفتن في ملتقى حاجبينه=
والسحر في عينه مع الزين مدمـــــوج
اسود سواده لابسته السكينــه=
وابيض بياضه طايش اللون مرجـــــــوج
زوايه طــــــرفٍ حاجزٍدمعتينـــــه=
لولاه كـــــــان الخد بالكحل ممــــــزوج
كاسيه رمشٍ زاد ملحه وزينـــه=
من فوق متكحل ومن تحت مدعـــــوج
بين الرموش السود شفت الغبينه=
واللي رماه الرمش ما عاد له بــــــوج
مرة ثواني من حياتي ثمينـــه=
وانــــــــا اتهادى بين الاشواق وادوج
مرت وانا قابض على راحتينه=
واقف مقابل له وساهي ومدلــــــوج
مدري وش اللي صار بيني وبينه=
والقلب ما ردنه ضلوعي العــــــــــوج
ولا انتبهت الا بسحبة يدينــــه=
قال انت تبغى الناس تلحقني هروج
قلت اعذر اللي شاف الله يعينه=
يبطي ودمعه بعد فرقاك مزعـــــــوج
عينك بنظرات الغلا مستهينــه=
قال الغلا في داخل القلب منســوج
قلت الوعد قال ايه كلش بحينه=
الله يفتح لك من الضيقه فجـــــــــوج
قلت آآه شف لي الدرب وينه=
قـــال انتبه باااقي على شفتك روج[/poem]القصيده منقوله