الــــعـــــاقـــــلـــــه

[عبدالله المرشدي]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ياللي على قلب المولع تلفي=لفي على كيفك ترى الوضع عادي
بس اعجلي وقت اللقا معي خفي=تراك في حلمٍ لفاك برقادي
قولي وش المطلوب لا تستخفي=اغتنمي الفرصه ترى الجو هادي
ابانصحك من قلب واقول قفي=قفي ترى مالك مكان بفوادي
كفي رماحك ياريش العين كفي=تراك في وادي وقلبي بوادي
من ناعسات الطرف منتي بشفي=منتي من الزينات غاية مرادي
عن سامعات الصوت قلبي يعفي=ويتوق للي ماتطيع المنادي
حتى ولو زينك نقول متكفي=ومالك وصيفٍ في جميع البلادي
العاقله لاجات حلوه تكفي =تخفي بوادر زينها ماتنادي
فيها الحلا والحسن بس متخفي=تخاف تفتن لانظرها البعادي
منها نسيم الورد ذعذع يهفي=ينعش مرابع شوقها والبوادي
في نطقها خوف الخجل ماتوفي=تخشى يطول السمع رايح وغادي
كالجوهر المكنون لاصف صفي=مصيونةٍ ما تنلمس بالأيادي
هي غاية المطلوب هي شف شفي=ان كان تبغين الكلام الوكادي [/poem]




عبـدالله مرزوق المرشدي