وأن ماوصلتك لاتنشد لاصدوق ولا صديق .... أسبل دموعك وأعرف أن الارض ماني فوقها

[فيصل بن جامع]

بسم الله الرحمن الرحيم

مساءكم فل وكآدي ..

هذه أحد روائع الشاعر الكبير : خالد العتيبي وتعتبر من أجمل ماسمعت لهذا الشاعر الرائع و أتمنى أن ترضي ذائقتكم وتنال أستحسانكم ..

.
.

لا ياصبـا نجـد العذيـه ماتمثيـت الفـريـق
........... يا بارد النسناس هيـف لـي علـى طاروقهـا

لولا القوافي كان من همي على همـي وافيـق
........... مع الهموم اللـي تداحـم فالضلـوع حروقهـا

تكبر همومي واكبر اكثر والبحر جمـه عميـق
........... والله يدرجهـا علـى حسـن النـوى سوقهـا

لا ياصديقي لا تضايق وأبك تكفـى لاتضيـق
............. ماضاق كون الله على كنـز العلـوم وذوقهـا

خابرك لك صدر كما البيدا ولك صبـر وثيـق
............. يوم الليالـي تنقـض الهيـن وتفتـل عوقهـا

علمك كواني من على الضلع القصير اللي مويق
.............. اعلى مراقيب العهـود اللـي تعـرف وثوقهـا

ويا جعل كبد ماتجض مـع اللـوازم للصديـق
............. اسطى الجنابي كل ماسلـت تحـش عروقهـا

يا بوهلا لا ذل ابو بكره ابـو ماقـدر واطيـق
............. يا ضاربٍ صدره كفو فصل الرجـال فروقهـا

لك سطوه الصارم ولك وقفه تذكرنـي طويـق
............. وادخل على الله ماارسم من المزن غير بروقها

ارفع حجاجك واضرب الجمعين والدنيا حريـق
............... حنا لها لا يبس ريق اهـل الـردى بحلوقهـا

حنا معضـدة الخـوي حنـا مسنـدة الرفيـق
............... ومرخصـة سعـر المنايـا لا تغالـوا سوقهـا

سنّد على كتفي وتدري انـك مسنّـد يالعريـق
................ لك وقفةٍ لا موت واحيـا مـا نسيـت حقوقهـا

لك حق عندي مثل جاري وابن عمي والشقيـق
................. مادام لي عيـنٍ يـداري جفنهـا عـن موقهـا

وان ما وصلتك لا تنشد لا صدوق ولا صديـق
................ اسبل دموعك واعرف ان الارض ماني فوقهـا


.
.


دمتم بحب ..