من زود حبي منآة آلقلب سميه.. ومن زود حبه آمير آلقلب سمآني

[مآتبآدلنآ آلعطآ]

آسعد الله آوقآتكم بكل خيرٍ ..
.
.

قصيده مختلفه آنثرهآ لكم .. للشآعر المتآلق \ آحمد بن جوفآن
وآتمني ينآل اختيآري على القليل من آلاستحسآن ..

.
.


[ تبآطيته ]



يا خالـد الليـل سرَآنـي وخاويتـه
اسهر معـه بيـن موالـي وقيفانـي
يا خالد اسمع وش الي منَـك اخفيتـه
دامك تنشَد وش الي مسهـر اعيانـي
لي صاحب ٍ(ن) في غيابه كم تباطيته
هذاك هو سبة جروحي مع احزانـي
يا كم سهرت الليـال وكـم تحريتـه
مدري علامه إلى ذاليوم مـا جانـي
ياليت يدري عـن احوالـي وياليتـه
يذكر وش الي بذاك اليوم وصانـي ؟
ان ابتعـدنـا وخـلانـي وخليـتـه
منساه لو نفترق وهـو مـا ينسانـي
ما اذكر ان في حياتي يـوم جافيتـه
ولا اذكر انه يحـاول يـوم يجفانـي
لاضاق هملت كل الناس ثـم جيتـه
ولا ضقت همل جميع الناس من شاني
هذاك ماغيـره احـد ٍ قـد تمنيتـه
هذاك والله ملك روحـي و وجدانـي
من زود حبي * مناة القلب* سميتـه
ومن زود حبه *امير القلب* سمانـي
لا شفت طيفه بوسط الصدر ضميتـه
وإليآ ابتعد قلت : تو الناس ممداني ؟
وارجع واضمه بصدري ثـم بكيتـه
ومن شفت دمعه جرحني ثـم بكانـي
الهم في غيبتـه كـن الحشـا بيتـه
من بد هالناس .. يتركهم وينصانـي
وافي على العهـد والله مـا تناسيتـه
وافي ولـو الزمـن فيـه يتحدانـي
يـا خالـد القلـب عنانـي وعنيتـه
سقته بدنيـا الغـرام الـي تولانـي
والحين تعرف وش الي منَك اخفيتـه
لآ عآد تنشد وش إلي مسهر اعيانـي


تح’ــيتي ..ْ~
......... ـــآلع’ـــطــآ ..}ْ~