ودعت حرف الميم رسم ٍ على الباب
مدري بقى والا محته الهبايب
ماجيت يمه بعد ما خاطرى طاب
اربع مواسم عن هلا الدار غايب
نسيت درب ٍ كان للقلب تعاب
والموعد اللى عود اليوم شايب
شخص تنكرى وفيه الرجا خاب
مريت عن دنياه مر السحايب
انا لغير الود ماكنت طلاب
مرخص لعينه غاليات الطلايب
بيحت سدى عندى ربعى والاجناب
واللى درابى قال والله عجايب
قصة غرام ٍ عشتها لوم وعتاب
بردٍ على كبدة وكبدى لهايب
الكون ضاق وضامنى حرق الاعصاب
كثر النصايح حولت للمصايب
واللى دعانى ميس الغد لعاب
من وسط كفى ماخذينه قرايب
الجرح بعد الجرح نحسب له حساب
من شافنا ما قال ذولا حبايب
وابعدت ماكني من الشوق منصاب
ضيم الهوى عزم وشد الركايب
لاشك ياعمار عضيت بالناب
كف الحسافه واصبعى منه ذايب
ما قد همل دمع على الخد كذاب
ولا قد خبرت فراق مالة سبايب
الله حمانى من غمات سود الاهداب
فكيت نفسى من جميع النشايب
ودعت حرف الميم رسم ٍ على الباب
مدري بقى والا محته الهبايب
خبري بحرف الميم رسم ٍ على الباب
خبره بقى والا محته الهبايب
منقول
| 
|
04-13-2010, 06:11 AM
العرض الشجري