الاستغاثه

[ضيف لله المغيري]

[poem=font="Arial,4,black,normal,normal" bkcolor="white" bkimage="backgrounds/1.gif" border="double,5,crimson" type=0 line=0 align=center use=ex num="0,black"]
يالله ياكاشف عوق مبلي العوق= يامرسل الصيحه على قوم عادي
ياللي من المنشى تسوق الحيا سوق=ل لانسنس الغربي وزان البرادي
تامر على صبحا برعاد وبروق= من مدلهم المزن تحي البلادي
ياخذ ثمان ليال والا بعد فوق = وياخذ علاهم عشر والصب زادي
وعشبه يخيط الارض حزمان وعروق= وينبت مع اطراف البيوت الحمادي
ويرتاح من طرد الشقى راعي النوق= اللي على جيبه جهاز ٍ ينادي
يغشى عليه وياخذ شوي ويفوق = وفي مراحها يسجد لرب العبادي
وزانت نفوس البل جذاعين وحقوق = وشبعت لقاياها وزان الولادي
وفحولها هدت من القيد وطلوق = وعلى عشايرها تفك الحدادي
وراع الغنم من عقب ذاق القسى ذوق= بيع بهمها لين راحت نفادي
فرج له الله من غثا الباع والسوق = والضين عين خير في كل وادي
لامر للاكياس بالطاق مطبوق = صامت زباينها واكلها الجرادي
وباب المحل بقفل ابو ناج مطقوق = ماعاد له قيمه ولامنه فادي
والناس قالو كل مطرود ملحوق = وكلٍ على الدنيا يشد الشدادي
لقيت بين الناس ميزات وفروق= احد ٍ قدي واحد ٍ عن الدرب غادي
لقيت مرجوج ٍ سفيه ٍ وطفوق = من يتبعه ما هوب ويا الرشادي
مفسد ويفسدله ثلاثين مخلوق = وليا هرج لاهو كذوب ٍ ربادي
واحد ٍ رحوم وبر ما يعرف عقوق = يحرص على الطاعه ودود ٍ وهادي
ناصح ومستنصح ولا يتبع اللوق = ولا يستمع للبربره والدوادي
وانا احمد الله واشكره كاشف العوق = يوم البشر فيهم مضيع وقادي
انا سلايل لابة ٍ روسهم فوق =وطيو على رقاب العدى والمعادي
انا من عتيبه وجدي ولد روق = ياسعد منهم لابته والجدادي
تمت وصلو عد ما قيل طاروق = على النبي احمد شفيع العبادي[/poem]

اخوكم /// ضيف الله المغيري