قصيدة ل نياف العتيبي

[الأدميرال]

ياحب نياف ياقلبه وشريانه
ياشين الايام لاضقتي وقفيتي
يضيق صدري وقلبي تكثر احزانه
يصير فالفكر يامجمول تشتيتي
يحل فالقلب زلزاله وبركانه
كنّ المعاليق تمزع لا تغليتي
عقبك مجال الغلا قفلت بيبانه
ياللي دخلتي فؤادي ثم بنيتي
هذا مقرك وهاك اليوم عنوانه
رسمة كروكي لقلبٍ فيه دشيتي
أنتي لحالك لك المسكان يالدانه
وغيرك حشا مايحله لو تخليتي
عقب القمر كيف ابدل نجم يافلانه
ياحسرتي كان فيني يوم شكيتي
حظي وعرفه من أول طاحت أركانه
وشلون ياقف ليا جيتك وصديتي
ماصاب عكوز رمحٍ يخطي اسنانه
وشلون ابا اعنز على حظي ليا اقفيتي

الشاعر نياف العتيبي