احتفال قبيلة عتيبة بعودة الامير عبدالله بن عمر بن ربيعان

[شيخ الشيوخـ]

السلام عليكم ورحمة الله وبركاته
أحتفلت قبيلة عتيبة في يوم الجمعة الماضي بالامير / عبدالله بن عمر بن ربيعان
في قاعة قاعة اليخت للأحتفالات والمؤتمرات بالرياض
وذلك بمناسبة شفاء وعودة الأمير سالماً إلى ارض الوطن بعد رحله علاجية دامت 8 أشهر
ونحمد الله على سلامة امير الشمل

وإليكم هذه التغطية المنقولة للأحتفال .

لحظة وصول الأمير عبدالله بن عمر بن ربيعان إلى مقر الحفل

الامير نايف بن عمر بن ربيعان ( في مقدمة المستقبلين )

V

الامير سلطان بن ضيف الله بن ربيعان

الاميرتركي بن ماجد بن ربيعان والامير محمد بن عمر بن ربيعان

الامير مناحي بن عمر بن ربيعان في استقباله للضيوف

V

المقدم الامير نايف بن ماجد بن ربيعان والمقدم الشيخ عساف بن مسلط بن ربيعان والاميرالشاعر بدر بن ماجد بن ربيعان

هذه الصورة تم تصغيرها تلقائيا . إضغط على هنا لعرض الصورة بكامل حجمها . أبعاد الصورة الأصلية 800x600 وحجمها 110 كيلو بايت .

الامير ماجد بن عبدالله بن ربيعان يستقبل الضيوف
V

وقد بدأ الحفل الذي قدمه :

الإعلامي والباحث المعروف سعدون الهرس

بتلاوه عطره من آيات الذكر الحكيم تلاها الشيخ / عبدالله الرعوجي

بعد ذلك كلمة ألقاها د/ فيحان من حمود العتيبي

بعدها قصيدة للشيخ صبيان بن علي البراق القاها نيابة عنه الشاعر فلاح المورقي ( شيلة)

( النص غير متوفر حالياً ) سيتم إضافته لاحقاً

بعدها قصيدة للشاعر بندر بن سعيد الثبيتي

( النص غير متوفر حالياً )

الشاعر نايف السليح

( النص غير متوفر حالياً )

بعدها قصيدة للشاعر الكبير محمد بن دغيم السميري

قال فيها :

قال الذي ينقى الجزال مـن الشعـر

ويعـزز المعنـى ولا قـط إمهنـه

لو الشهر ما اجيب فيـه إلا شطـر

الجزل أجيبه منه والهـزل أركنـه

أعدل القيفـان واصخرهـا صخـر

والقاف يعجبنـي ليـا زان إلحنـه

وليا نصـا الشيخـان نظمتـه درر

ما ينقـد النقـاد قولـي واظمنـه

واسعد خبر جانا وحيه مـن خبـر

كل فرح به يوم ( سعدون ) أعلنـه

هذا الخبر ينساق فيه أغلـى مهـر

نشريه بأغلا المال لـو زاد اثمنـه

يوم أن شيخ الشمل عاد من السفـر

بعد قضا له خـارج الدولـه سنـه

يا شيخنا أخذ العلم من صاف الصدر

أمن القلـوب ونشرحـه بالألسنـه

علم حقيقـي والضميـر المستتـر

ما فيه شك لمـن يشـك وكنكنـه

بغيابك الساعـات نحسبهـا شهـر

حسب الحساب اللي نحسب ونتقنـه

والشهر يحسب عندنا حسبة دهـر

حقائق ٍ مـن قبـل ترجـع معلنـه

لكن عـدت بخيـر وإنـزال الكـدر

اللي نعانـي طـول غيبتكـم منـه

يامرحبـا حييـت توجيـب وقـدر

ترحيب مطلـوق عنانـه ورسنـه

يا ميرنا اللي عودته نصـر وفخـر

لعتيبـه اللـي كلهـا تنشـد عنـه

شيخ الجميع اللي ليا منـه حضـر

عز القبيلـة عـز وأبليـس ألعنـه

سلم لنا شيخ السعد من كـل شـر

شيخ وطـن للعـز والعـز وطنـه

طولـت بالغيبـه وحنـا ننتـظـر

والكل بعـد غيابـك الهـم أسكنـه

واليوم عـم الخيـر والهـم اندثـر

يقوله اللـي بعـدك الهـم اطحنـه

ياشيخ شمل عتيبه انـزاح الخطـر

قلبن قطنه الهم مـا عـاد إقطنـه

كم مسلم ٍ همه على وجهـه ظهـر

من هم مايشكيه والحـزن إشطنـه

يا كثر شوق الخلق لك بدو وحضر

شوق السجين لعفو من كان إسجنه

وأنا لك عندي بالمفيـد المختصـر

تقدير أصونة محد قال إليـه صنـه

جاي من شرورة لك الله من عصـر

حتى مقابلكـم ليـا جيـت أمكنـه

واجب علي ولا على الواجب شكـر

مقابلـك واجـب وفخـر ماعـنـه

ما عنـه لاصـده ولايكـف العـذر

بعد غياب ٍ عنك قـد طـال إزمنـه

رفيقك اللي معـك بشعـورك شعـر

اللي ليـا اهتميـت همـك يطعنـه

وليا سهرت الليل من سهرك سهـر

ويحس بك واللي يضايقـك إغبنـه

وليا خطر في خاطرك علـم خطـر

في خاطـره ويبيـن لـو مابينـه

والا الرفيق اللي معك وقت اليسـر

ويغيب وقت العسـر حـذرا تمنـه

واللي بوقت اليسر معـك وبالعسـر

هذاك أصيلاً معدنـك مـن معدنـه

يفداك خلق ً مالهـم عـد وحصـر

اللي لهم وسـط المجالـس دندنـه

والشكر للـي عنكـم أزال الضـرر

ولـه الثنـا ياميـر والمنـه منـه

حليفـك التوفيـق دايـم والظفـر

يا من يصح الكون لن صح إبدنـه

يا بن عمر اللي لـه اسـم معتبـر

اسمـه مـع الحكـام فعلـه دونـه

ما يذكرونـه إلا ويذكـر لـه ذكـر

ساوابـه الإمـام فعلـه وقـرنـه

مع الإمام اللي بـه الديـن أنتصـر

عبدالعزيز اللي ليا ضـاق إضعنـه

جحافل العـدوان يحشرهـا حشـر

روحه على كفـه وسيفـه وكفنـه

حتى أسس الدوله على الدين الأغر

والأمـن بربـوع الجزيـرة وطنـه

غربي من البحر الحمر حتى قطـر

ومن عقبة الاردن ليـا حـد ايمنـه

وبعده ليا غايب قمـر يطلـع قمـر

ملـوك عـدل ٍ بالعـدل متمكـنـه

يرعون سكان المدر واهـل الوبـر

وسيوفهـم للعايلـيـن مسنـنـه

بجهودهم شعـب الحرميـن إيعمـر

كـل الامـور مرتـبـه ومقنـنـه

في عهد ابو متعب وسلطان السطر

وابو سعود النايـف الامـن امنـه

وختامهـا ياشيـخ ياحـي الخبـر

يوم النتايج عنـك جـات مطمنـه

بعدها قصيدة للشاعر الشاب محمد بن فيحان الحلاج

يقول فيها :

ماجور ياشيـخ المكـارم والامجـاد

والله يجيرك مـن صـدوف الليالـي

ماجور واللـي فـات لاعـاد لاعـاد

لاعـاد يمـك ياكـريـم السبـالـي

ياذخر شيخاناً رست مثـل الاوتـاد

ياذخـر شيخانـاً تـرود المعـالـي

يامقدم الهيلا علـى سلـم وجهـاد

للسلـم سلـم وبالمواقـف رجالـي

منصى وجاهً ينعرف بيـن الاجـواد

شيخة سطر ماهيب شيخـة مقالـي

تاريخكم ياهل الفخر سيـف وشـداد

ياهـل الكـرم ومبهـرات الدلالـي

لاكبرت القالـه وبـه نشـد نشـاد

ينشد ليـا ثقلـت سـوات الجبالـي

ينصـاك يالـلـي للمهـمـات وراد

حيـداً يدنـي للحمـول الثقـالـي

تسعى بخير وطيب وللخيـر تـزداد

عادتك فعل الطيب فـي كـل حالـي

لك عادةً في عتـق الارقـاب معتـاد

وانت السبب بأمره عزيـز الجلالـي

لو هي سوات طويق لاجيت تنسـاد

لابـد ماتظهـر سـوات الهـلالـي

تنشر لك البيضاء على روس الاشهاد

يامقـدم الهيـلا وحـام التـوالـي

جعلك تدوم أشهور وسنين وأعيـاد

ياشيخ يوم القول جاء لـه مجالـي

وصـلاة ربـي عـد ماحـن رعـاد

على النبي وعـداد بـرق الخيالـي

وقصيدة للشاعر سويلم بن عرنان الخراص

قال فيها :

غيث المشاعر فجر صمت الخفوق الحزين

معـاد يمـدي ولـدري كيـف كتمانهـا

ياعتيبـه اليـوم لابـد المخبٌـى يبيـن

أقولهـا لجـل ينظـر ويـش برهانهـا

عيدين ماني مع العالـم بحـال السجيـن

أحـزان تجتاحنـي والصـدر ميدانـهـا

أحارب الياس واذكر دعـوة الساجديـن

اللـي ولـي البشـر يـفـك بيبانـهـا

اناجي الصبر واطلب سامـع الصامديـن

يشفيـك ياحامـي الوقفـه ياسلطانهـا

ياشيخنـا ياسندنـا يالحسـام الثمـيـن

ياتـاج رأس القبيلـه وانـت عنوانهـا

ياحصنها اللي تذريهـا عـن الشامتيـن

ياعدلهـا اللـي تحكـم وزن ميزانـهـا

ياعزها اللي تفاخر بك مـع الشامخيـن

في حاضر الوقت والماضي من ازمانهـا

مدام شفت الخبر عبـر المحطـه يبيـن

غطت دمـوع الفـرح محاجـر اعيانهـا

وسجدت لله واثني لـه مـع الشاكريـن

اعداد نبت الوطى مـن سيـل وديانهـا

واعداد برقن سرى ليلـه يهـل الغشيـن

لين الرمـه والجريـر تصـك جيلانهـا

اللـي شفاكـم ورجعكـم لنـا سالميـن

مـن المانيـا للسعـوديـة ولوطانـهـا

والختـم يالله تعـز الاسـره الحاكميـن

وتحمي وطنا مـن الارهـاب وأعوانهـا

وتحفظ مليك القلـوب لأمـة المسلميـن

اللـي سعـى للصـلاح ولـد عـدوانـه

الشاعر/ فهد تميم الثبيتي

( النص غير متوفر حالياً )

قصيدة للشاعر سلطان بن فيحان العرط القاها نيابة عنه الشاعر جزاء فيحان العرط ( شيلة)

يقول فيها :

لاهنت ياراع الوفـاء والجميلـي

مشكور ماقصرت ياطيـب الفـال

مني لكم يا أمير شكـراً جزيلـي

يا أمير ياللي للمواجيـب فعـال

أدركت وضعاً قبلكـم مستحيلـي

بالراي والحكمة وبالجاه والمـال

ولا هو غريباً منك يا أبن الأصيلي

يامعرب الجدين والعـم والخـال

يا جعل عمرك يابو ماجد طويلـي

جعلك تعيش سنين وشهور وليال

أنت الذي فزعتك تشـف الغليلـي

يا شيخنا اللي للصعيبـات حـلال

حلال نقـاض الحيـل بتحليلـي

في حال نقاضن وفي حـال فتـال

عبدالله بن عمر زبـن الدخيلـي

زبن الدخيل اللي حداه أشهب اللال

ذخر الشيوخ مورديـن الصقيلـي

اللي لهم في قمة المجـد منـزال

مال المحصـن بالقبايـل مثيلـي

رجالهم يسـوى ثمانيـن رجـال

أقولهـا وأورد عليهـا الدليلـي

علماً صحيح وثابتاً عبر الأجيـال

ماقلتها من شـان والله حصيلـي

الا الصحيح وكلمت الحق تنقـال

الشاعر فراج وسيود الكرشمي

( النص غير متوفر حالياً ) سيتم إضافته لاحقاً

الاول من اليسار الشيخ فيحان بن مدوخ البراق والشيخ مثعي بن ضيف الله الغربي

من اليمين الشيخ عبدالعزيز بن هليل الثبيتي ورجل الاعمال مسعد بن سمارالكرشمي والشيخ ناصر بن عمربن زيد

من اليمين الامير محمد بن عمر محمد بن ربيعان

من اليسارالشيخ فيصل بن صلما الثبيتي والشيخ معضد بن عميرة

شاعر المليون يوسف العصيمي

الشاعر ملفي المورقي والشاعر فهد بن عبود السهلي

الشاعر الكبير حبيب العازمي

الاعلامي المعروف الشاعر محمد بن مخلد الذيابي

محسن بن متلع السليح ومشعل العطاوي والشيخ نايف السليح