ياغافل لك الله........

[فيصل المسعودي]

[align=center]محمد الدهيمي[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
على لاماك ياطبّ الجروح اعوي عوى السرحان=
لياجـت دون زاده حسبـةٍ ماهـوب حاسبـهـا
ليا حدّه على درب المهالـك بطنـه الجوعـان=
وهو مايملك الـلا روح ذيـب وجـاك جالبهـا
وساقه حظه الاقشر على اللي يحفظون الظـان=
شواون من قديـم الوقـت حاربتـه وحاربهـا
واخذ ثلثين ليلـه فـي تصيـد غـرّة الرعيـان=
وهم كلٍّ تمركز فـي طـرف ضانـه يراقبهـا
ومما يونسـه بيـن المحانـي سبّـة الحرمـان=
سرح للهضبـه اللـي لاطـواه اليـاس واقبهـا
واخذ في راسها مقدار طلبـة طالـب الرحمـن=
مثنن موخره فـوق الحصـى ويديـه صالبهـا
وجرّالصوت ليـن ان الظلـوع يجيلهـا دنـدان=
وضاقت في عيونـه فسحـة الارض ومناكبهـا
وانا ضاقت بعينـي يعلـم الله سكّـة الركبـان=
تسيربها الجمـال محمّلـه وازريـت اسيربهـا
هويت ولاقويت وصال خلّي والهـوى سلطـان=
وياغافل لك الله طحـت فيهـا مادريـت ابهـا
من الجهل احسبن راع الهوى مثل الكريم معـان=
واثـر راع الهـوى ماتهتنـي نفسـه مطالبهـا
اثر راع الهوى بان الوصال وساكـن الهجـران=
لقـت فيـه المآسـي والمشاكـل مايناسبـهـا
يانسناس الهـوى ودّ السـلام الوافـي المليـان=
وعلمها تـراي اتعبـت نفسـي مـن سبايبهـا
رفعت الحب عن كل اندفـاعٍ يفـرح الشيطـان=
وواجهـت المشاكـل ليـن ناشتنـي مخالبهـا
وعلمها تراني ماامتنعت عن الوصـل زعـلان=
لكـن مـاودي اشعـل مشكلتهـا فـي قرايبهـا
انا رجّال بنحور الرجـال وفاللـزوم حصـان=
اعـرف الصايبـه والمخطيـه وادرا عواقبهـا
وغير اللـي فعلتـه لجلهـا ماكـان بالامكـان=
ويخوفـي كانهـا اخـر حاجـةٍ مالله بكاتبهـا
يانسناس الهـوى دون الفـرج ماتقفـل البيبـان=
وصـاةٍ ودّهــا لـلـي معـرّبـةٍ مناسبـهـا
وعلمها تجازي راعـي الاحسـان بالاحسـان=
تحاسـب نفسهـا قـدّام ربــي لايحاسبـهـا[/poem]