ياما وياما علشانك تعنينا&طول المسافات لعيونك طويناها

[طويل الذراع]

اقدم لكم هذه القصيده أرجو ان تنال على إعجابكم
للشاعر/عبدالعزيز دحيم الخياري



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=0 align=center use=ex num="0,black"]
يامـا ويامـا علشانـك تعنيـنـا=
طول المسافات لعيونـك طويناهـا
وياما وياما ببعض النـاس ضحينـا=
من شان نجلس معك ساعه خسرناها
وياما من أغلى القصايد فيك سوينا=
لو ما أنت غالي سكتنـا ماكتبناهـا
وياكثر ناسن لاجل خاطرك عزينـا=
ماتنهظم بس لعيونـك هظمناهـا
وياكثر ياكثـر مانخطـي وزلينـا=
جميع زلاتنا عنـك انـت شلناهـا
وان كان بالوقت والدنيـا تمنينـا=
ماغير جيتك هي اللـي انتمناهـا
تامر وتنهى على كيفيـك تمشينـا=
حتى البشر لوتبي نخـدم خدمناهـا
واليوم والله تـرى ماعـاد تعنينـا=
وايامنا اللي على خبـرك نسيناهـا
حاول ليا فقت في حبـك تعزينـا=
حبك توفـى وذكراكـم دفناهـا
مللتنـا بالمحبـه لـيـن مليـنـا=
واوراقك اللي كتبناها مسحناهـا
لاتحسبنا علـى ماضيـك حنينـا=
زهرة شبابك قبل تقطف قطفناهـا
فـي حبنـا ياصغيـر ماتساوينـا=
حبك وعشرتك بالاقدام دسناهـا
حنا على العـز والطولـه تربينـا=
لو تقفي النـاس عنـا ماطردناهـا [/poem]