للشمس دمعة تجرح الضي والليل

[عبدالرحمن الحمد]

بسم الله الرحمن الرحيم
اللهم صلي وسلم وبارك على نبينا محمد وعلى آله وصحبه أجمعين ...
للتواصل ...

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للشمس دمعة تجرح الضي والليـل = تجري على خد الفضاء والسحايب
تضوي مع العتمة سوات القناديـل = وتومي خيوط الشمس وقت الهبايب
وتذوب شمس اليوم وسط الفناجيل = وتبرق نجوم الليل والجـو ذايـب
واللي بقى دمعة على حضن منديل = ماكنهـا إلا دمعـة بخـد تايـب
تكسر شموخٍ في عيون الحلاحيـل = وضماد لجراح الفتـى والمصايـب
مال الردي للعز وأهلـه مداخيـل = ياعـل ماتفـداه روس الطلايـب
وأنا محلـي مدهـلٍ للمشاكيـل = لانوّخ الطرقي شـداد الركايـب
أحدٍ كسب عزة على صهوة الخيل = وأحدٍ كسب عزة بليـا سبايـب
العز في ديـن الولـي يالرجاجيـل = في طاعة المولى جزيـل الوهايـب
اللي ترك دينة يشـوف الغرابيـل = واللي اعتصم بالله مامات خايـب [/poem]


وسلامتكم ...