لا يابنات الكون عندي خبر شين

[مدهـال]

ابيات كتبتها بعد موقف حصل معي اتمنى أن تنال إعجابكم


[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا يابنات الكون عندي خبر شيـن=واظن علمي يزعل البيـض منّـى
لي صاحبٍ حاز الحلى وابهر الزين=خلٍ طغى بالزيـن فـي كـل فنّـى
واللي سواها فالبني منظـره شيـن=ياللـي تـدور مثلـهـا لاتعـنّـى
ياسيـدي ياسيـد كـل المزاييـن=ماظنتي فالبيـض مثلـك ضونّـى
يابو شفاةٍ تشبـه التـوت عذبيـن=مدري خلايـا النحـل فيهـا تبنّـى
والنحر الأبيض بارقه يجهر العيـن=وحدره سواة التيـن منّـى ومنّـى
والعنق عنق الريم تقريب شبريـن=والخصر لو شافه بليـر إستسنّـى
جيتك وانا ضامي من الشوق والبين=وروّحت انا منكـم جريـحٍ واونّـى
ليتك رويت القلب يامنـوة العيـن=وارويتني ليـن العـروق ارتونّـى
كنت احسب انك ترحم الخل وتعيـن=واثرك على خلّـك بحربـك تشنّـى
ياصاحبي للحـب شـرع وقوانيـن=وقانونه الرحمه وظلمـك شملنـى
لكن عسى فالمقبله يا اريش العيـن=تحيي عروقٍ فـي هواكـم ذونّـى
حبك بقلبي له كمـا سـور برليـن=عـن العـذارى حارسـه مايجنّـى
وختامهـا ياسيدي,,,عندكـم ديـن=سـدّد ديـون الحـب والا نجنّـى [/poem]



سلطان الثبيتي