جـونا هـل الجنوب لحاسه الدم

[الصهد]

السلام عليكم ورحمة الله وبركاته

هذه القصيدة في أول القرن الثالث عشر
الهجري وعلى ما اعتقد انها في اول المعارك اللي بين عتيبه وقحطان
غفر الله لهم جميع عسى ان تنال اعجابكم 000

بديت ذكر الله على اول كلامي = على المقام وهجعتي في منام
الروح لابده محل الاثامي = ومانفعله يالله تكافي سبايبه
انا على المعبود علقت عاني =ولاني بعارف غيبها في زماني
ادخل على الله من حوايم لساني = وياخالق روحي تهون عذايبه
قلته وانا مبداى في راس منواع = في راس رجم للهبايب وملواع
بديت حيد للشياهين ميقاع = عسى صدوق الغيث يسقي شعايبه
طرى على قلبي مبادي ركونه = لوكان مايبديه سحاب شونه
سقاه رواح الحيا من مزونه = يازين عند العصر مبدا شذايبه
رديت لي قاف حسين البنايا = ماولفوه مكثرين الحكايا
احلى من البرني بروس الودايا = ينشط اللي كاثرات تعايبه
حلو سواة الذوب وسط الخليه = يقري منه لوكان ربع الوقيه
يبري الكبود اللي بهن الشكيه = من الصيف جانيه النحل في جنايبه
طاري طرى في خاطري كل طاري = هواجيس عنها الاش ماهو بداري
ذكرت لي يوم جرى منه جاري = ادرك احد واحد نجا من كرايبه
لا يانهار جا علينا ومنا = تؤه غطى روس الاقاذيل عنا
واحد ادرق في غيبته ماتمنى = يشق للقلب المفقه رعايبه
خيل خياله يم خشم ذهلاني = من دون دلعه فرع قصر الاداني
روق ورقرق حول ذاك المكاني = ورنت رعوده في ستايم سحايبه
برقه سيوف الهند ورعوده الروم = وثعله غلب عود من العج مقتوم
وسيله حمر دم وربانه لحـوم = وبراده قطع محبب من حبايبه
جـونا هـل الجنوب لحاسه الدم = وشيوخهم تقدى الجموع المرد
واللي يبا التوخير قالوا تقدم = وكل جمع قومه وجمع حظايبه
وكل لبس له لبسة يوم عني = وخيل بخيل بيننا روحني
اقفن بالفرسان ثم اقبلني = كم من صبي تقلعه في غرايبه
جونا كما سيل نحى مع مسيله = اللي مع الجرعا يحده قفيله
من جاهز نؤ الثريا مخيله = وحنا كما نؤ مزعنه هبايبه
بالكثر راعونا وحنا نروعهم = وجموعنا قرت وقرت جموعهم
ياشوف عيني يوم قمنا نلوعهم = بصافي الحديد اللي دقاق رقايبه
جوهم عزاتي للمنى يامناعير = والخيل مردمه علينا صوابير
ولجه عزازينا سواة الحدادير = يوم اشهب البارود ثارت حطايبه
ربعي مرزنة القلوب الشفاقا = برقا هل العادات يوم الملاقا
اهل المواقف لايوم يبس الرياقا = يوم التمام السود تدني قرايبه
نادى علينا شيخنا بالحمايل = قام ونخانا بالجدود الاوائل
يقول هوشوا هوشة اهل الصمايل = والروح بخطوط القلم في كتايبه
قمنا وسبلنا غوالي العمارا = ماعندنا في اللي يجيها مدارى
نبيعها في السوق بيع الخسارا = سوق مذاريب النشامى جلايبه
ياغافل عن عصر هاك العشيه = ليتك تحلي عزوة لي دنيه
يوم اصطفاقات الجموع القويه = في يوم ضيق مبهمات نشايبه
ثم اعتزوا عليهم الا شيبان = راحوا كما صيد من الجو شتان
والهوش منهم ضيعه كل ديقان = وكل نسى فتنه ومنزل قرايبه
هذى مع شيخاننا عادة لنا = حريبنا من حدنا ماتهنا
من همنا مايمرح الليل منا = يسقى من السم الداريق شرايبه
نادى لنا عند الاله المنادي = مدبر الساعات والى العبادي
وقمنا عليهم مثل حوم الحنادي = شعيبهم بالدم تنبت عشايبه
الا العـصـيـمـي هم والا المروحي = جمع لهم يوم الترايح روحي
حدوا سعد على طويل ملوحي = ابوي لا لاهم لزوا في زرايبه
الاد العـصـيـمي محكـمـين الحرابه = وافـعـولـهم مـن يـوم عـصـر الصـحـابـه
طريحهم قـعـد عـشـى للـذيـابـه = تـاكل عصابينه وتاكل تـرايـبه
اسـيـوفهم يوم الحرابه تسله = تشيل راس اللي خصم من محله
يـاسـعـد منـهـم باللقاء فـزعة لـه = خـصـيمهم قفى كاثرات مصايبه
والاد الفليحي يقصر الذم عنـهـم = ربع ليا ركبوا تقضوا دحنهم
كم سابق مخل ظهرها طعنهم = علم اليا قلته توثق حقايبه
على الخيل دهم ارماحهم علقوها = وكم سابق عن جريها عوقوها
وكم جادل من شوقها طلقوها = غير الصويب اللي تجدد عصايبه
ربع على ايسرنا خذوهم طيارا = كل يعاين فعلهم بالقرارا
على دربهم ياكن جضع السكارا = جثايا هشيم دانيات حطايبه
الاد الكريزي لا بعد الرب دارهم = ربع اليا ركبوا تقاطى مهارهم
كم من صبي طايح في كرارهم = سرواله التومان شقر ذوايبه
الله معاضدهم بحظ وسعادة = والهم على كسب النواميس عاده
كم فارس في نجد كبوا شداده = غدا عليه الذيب يقنب قنايبه
ومسلط على اليمني حكم له جموعي = لباسة الجوخ الحمر والدروعي
يبا قفى جمع علينا يفوعي = ظاري بركضات تقطع عقايبه
حكمه بعيد ومحتضن له حضيه = حكله بعيد ولادي عنك نيه
والله قضاها سـاعة في شويـه = مثل الطليب اليا خلص عن طلايبه
مشيلح بن رويبح الشيباني