كنوز الرجال مبعدين المغابيش

[محمد مذكر المغيبي]

وجه لي الشاعر نفل محمد الصخابر الدوسري
قصيدة طلب زيارة على اهل البل في الربيع
وقمنا بزيارة شامان ابن هايف المغيري
وحمد ابو بطين الغنامي
وناصر ابن عمارة المغيري

[poem=font="simplified arabic,6,black,normal,normal" bkcolor="transparent" bkimage="" border="none,8,gray" type=0 line=1 align=center use=ex num="0,black""]
يادوسري كثر التوجد على ويش = لاتشتحن وتزيد كيـل النخـاوي

اقفل مجال اهل المعاذير باالشيش = واعنز على الرب الكريم الغناوي

اطو الفراش وودع ام النقاريـش = خوتـك والله ماتجـي باالمنـاوي

والله لوردك العـدود النشانيـش = زحول الرجال مخلصين الدعاوي

اهل البيوت امتعبين الطواريـش = اللي لهم حول المعقـم حـراوي

في شف قطعانٍ لها الكبر والطيش = ميزه الليا طق اللبيـد متسـاوي

وضح البكار اللي وبرها عكاريش = وصفر ومجاهيمٍ عليها العطـاوي

مارددوها في شبـوك الدراويـش = ولاصلفقوها مع نعيـم الشـواوي

مرباعها في خايعٍ مابعـد نيـش = نبته جديد وجاه سيـلٍ رهـاوي

وبطرافها خطو العيال المداغيـش = الاد روق مدلهـيـن الـجـلاوي

ابن عماره متعب الخيل والجيش = وابو بطين اللي للامجاد حـاوي

واللياغدى كسب المراجل تناوش = يقدم لها شامـان شفـقٍ شفـاوي

ربعٍ على فعل الجمايل معاطيـش = لاشح باالهين ضعيـف الجـداوي

في ظلهم يمشي قليل المحاويـش = ويدله لو انه من زمانـه شقـاوي

كنوز الرجال مبعدين المغابيـش = سلايل اللـي يخلفـون القـاوي [/poem]