أبكي على شيخن رحل يوم الأثنين

[سلطان الوجعان]

الشيخ نايف بن ثامر الوجعان " رحمه الله "

السلام عليكم ورحمة الله وبركاته

أحبتي أعضاء منتديات قبيلة عتيبة الهيلا أضع بين أيديكم هذه القصيدة وهي رثاء لوالدي الغالي الشيخ نايف بن ثامر الوجعان " رحمه الله"

[poem=font="simplified arabic,5,white,normal,normal" bkcolor="transparent" bkimage="backgrounds/32.gif" border="none,4,gray" type=0 line=0 align=center use=ex num="0,black""]

ياعين هلي دمعك اليوم ياعين=تكفين هلي الدمع لاتحبسينه

أبكي على شيخن رحل يوم الاثنين=أبكي على راع الخصال الحسينه

أبكي على راس الرجال الميامين=اللي عليه شيوخ شمر حزينه

ولو البكاء كثره يرد العزيزين=نبكيك مع طول الزمان وسنينه

ولو البشر تفدي بعضها عن الشين=كم من عزيزن ساق عمره رهينه

ابوردن ريف الضعوف المساكين=عساه بالفردوس مع ساكنينه

راس القروم اللي على المجد ضارين=ونسل الشيوخ اهل الفعول السمينه

راع الكرم والطيب والعز والدين=وراع العلوم الصايبات الرزينه

كم من ضعيف يشكي الهم والدين=جالك وكرمته وسددت دينه

يالله عسى قبرك ورود وبساتين=وتنعم بجنات ونعيم وسكينه

وعسى الحيا ياخذ له سنين وسنين=يسقي ثرى قبرك ويبتل طينه

مثلك فقيده في عيون العريبين=وموتك على كل القبايل غبينه

[/poem]

اخوكم الشاعر / سلطان بن ردن بن نايف الوجعان