ولكــم وأحلـــى مايــك

[شيخ الشيوخـ]

جتني عزيمة شات مـدري كيـف جـات
مذيّـلـه بـإسـم ( الـشـجـون المـغـتـرب )

وفي وسطها بعـض الرمـوز المبهمـات
والـبـاك بـأوّلـهـا .. وبـآخـرهـا بـــرب

عنوانـهـا مكـتـوب مــن سـكّــر نـبــات
ومضمونهـا ماخـوذ مــن حــيّ الـطـرب

أكــبــر تـجـمّــع لـلـشـبـاب ولـلـبـنـات
فـي شاتنـا اللـي تعـرفـه كــلّ الـعـرب

يــا التافـهـيـن مسـامـريـن التـافـهـات
لو يدخـل الصالـح فـي سمرتكـم خـرب

ماعـنـدكـم غـيــر الـعـلـوم الـخـايـبـات
هات القرب .. حطّ القرب .. شيل القرب !

ولكـم .. وأحلـى مايـك بيـن المايـكـات
و مـن عاشـر الجربـاء تعشّـاه الـجـرب

أبليس لا أمسى الليـل سـاق الغاويـات
وشـبـك لـهـن محبـالـة الـشــرّ وهـــرب

لـــو يـعـرفّـن الـبـاقـيـات الـصـالـحـات
مـا أكـل عليهـن تالـي الليـل وشـرب !!

سداح العتيبي .