الصوره اللي كملت منكــ فكره ...اجمل قصيده قلتهامن لساني

[البارع]

..... جديدة علها ترتقي لااذواقكم الرفيعة .....

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الصوره اللي كملت منك فكره=اجمل قصيده قلتها من لساني
وردد صداها الكون بعدي بكبره=وبسبتك لقبت شاعر زماني
حتى القلم ماوقفه غير حبره=يرسمك بدرن للدجى شقلباني
لاتنشد العاشق لاماطال صبره=لنه ضحية عشق في والعشق جاني
يااللي غزيت القلب واعلنت كسره=وبسطت فيه السيطره للمكاني
حبك مثل غيمن على الارض نثره=احيا العروق الطاويه واحتواني
واسقى بذور الشوق ونماه شجره=وغنيت في حبك زماني رماني
يازين منك القرب لاطال عمره=اتقول ساعاته تعود ثواني
تفضل ابااعطيك موجز ونشره=والموجز احيانن يفوق البياني
عرفت منك الشعر طرقه وبحره=وعرفت ميزانه وصيدالمعاني
وسجعت من سجعه وغنيت نثره=الا بنيته مجتمع في كياني
وانت السبب في كل ماتم ذكره=واللي قعد في سكتي واحتراني
احب ماحبيت وماتكره اكره=واعيش مع طيفك لامنه دعاني
يومك تقول الوقت مافيه وفره=واليابغيت اجيك ظرفي عصاني
انايكفيني من الوصل نظره=لوماحصلي غيرها شي ثاني
كني بها القيصر بجنده وقصره=ولامثل كسرى بعرش الايواني
من يضمن اللي يمكن يصير بكره=لا ابطتبي الوحده وقلبك نساني
يمكني ارحل عن محيطك واعبره=وادور اللي وسط صدره مكاني[/poem]