قصيدة الشاعر / سلطان بن مشوط السبيعي / في الشيخ / محمد بن شباب المغيري العتيبي

[سعود .. المغيري]

هذي القصيده موجهه للشيخ / محمد بن شباب المغيري العتيبي


رئيس الطرق بالمزاحميـــه سابقا ، ورئيس الطرق حالياَ بروضه خريم - ونتمنى له دوام التوفيق


وهذه القصيده من الشـااعر / سلطان بن مشوط السبيعي


سلام مني عد وبل المخاييل / واعداد حجاج الحرم كل عامي َ

سلامِ احلى من حليب المباهيل / اللي رعت في القفر حل الوسامي َ

لك ياصليب الراي شيخ الرياجيل / محمد ولد شباب عالي المقامي

يامتعب الدله وبيض الفناجيل / ومفطحات في الصيانا الكرامي

يامزبن اللي من الزمن لاحقـه ميل / ياسترهن لامن نسن اللثامي

لاجاء نهاراَ فيه كز الرياجيل / بالمرهفات اللي تقص العضامي

من لاد روق اللي شيوخاَ حلاحيل / اللي حمو نجد بحد السهامي

عتيبه الهيلا لها وزن بـ الحيل / وسط الجزيره من علاة المقامي

لاصملو في الراي شفت التهاويل / يدرابهم غرباَ وجنوباَ وشامي

افعالهم بالضيق تشفي المعاليل / يرسون لارد البراء من الخصامي

وختامها لك يابن شباب بالهيل / ياراعي المعروف هذا كلامي

واتمنى انها تنال اعجابكم