يلوح البرق

[عادل العصيمي]

السلام عليكم ورحمة الله



مساء الخير



[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
يلوح البرق في وسط السماء ويشوّق الزراع = لو الزراع ما يشكي هموم الوقت وأوجاعه
عيونه ترقب مزونه وقلبه يعشق المرباع = ومن هو ما يشوقه وآبل الوسمي ومرباعه
طبيعه فالبشر حب المطر مير القلوب أنواع = وكلٍ يرقب البارق وعينه تكشف أطباعه
احد يرقب وهو ساطي وأحد يرقب وهو مرتاع = وأحد يرقب وهو بين السطا ويلامس الراعة
يقولون البنادم من خلقه الله وهو طماع = وأنا أقول الرجاء في رحمة الله رافع شراعه
ولولا رحمته كان الأوادم فالحياة جياع = ونفسٍ تطلب الله رحمته ما هي بطماعه
قوانين الزمان ترغّب الهاوي على المطلاع = يمد الشوف ويخيل المطر في راس مطلاعه
تحثّه فطرة الانسان يرقب والدروب وساع = وعينه للسماء ما يرخي الأنظار للقاعه
يدوّر ما يناسب رغبته يبحث عن الإشباع = وشرع الله كفيل برغبة الانسان وإقناعه
يقسّم خافقه لأنصاص والا أثلاث والا أرباع = على ما يشتهي لكنّ يوفي مدّه وصاعه
على الله يازمانٍ فيه لا زلنا على الاطباع = ولا فينا على الاطباع شراية وبياعه
يلوح البرق لا ترهب تخيل البرق يازراع = وقلبك من مخيلك للسماء لا ترجف أظلاعه [/poem]