قولٍ بليا معرفة ويش هولة

[محمد مذكر المغيبي]

وجة لي الشاعر نفل محمد الصخابرة الدوسري
قصيدة غزلية وهذا ردي علية

[poem=font="simplified arabic,6,black,normal,normal" bkcolor="transparent" bkimage="" border="none,8,gray" type=0 line=1 align=center use=ex num="0,black""]
ياطير يااللي جيت عانـي ومرسـول = واخذت لك في نجـد صولـة وجولـة
حييت ياطيـرٍ بـك الشـوق منقـول = مـن الرفيـق اللـي يكفـي قبـولـة
يامرحبـا ترحيـب وافـي ومدبـول = برسالـةٍ جـت فالجنـاح محمـولـة
عنوانهـا قلـبٍ مـن الحـب معلـول = والنفـس عـن شـيٍ تبيـة معدولـة
يابو محمد صار لي كـم مـن حـول = وانا طريـق العشـق مانـي بحولـة
ومن يوم جاء طيرك طرالي على طول = مفتـاح بــابٍ مغلـقـاتٍ قفـولـة
ذكرتنـي شـيٍ وانـا عنـة مشغـول = وخليت فكـري ينـدرج فـي ذهولـة
يادوسري تشكي مـن الحـب وتقـول = كـن العيـون عـن المنـام معزولـة
ومشاكلي متجمعة كبـر ابـا الهـول = ولاوالله القـاء حلـهـا باالسهـولـة
بعطيـك انـا رايٍ مناسـب ومعقـول = ومالك بكثر الشرح عرضـة وطولـة
الصبر قرضة ملح والهـرج بوصـول = وقولٍ بليـا معرفـة ويـش هـو لـة
لاتقصر الخطـوة ولاتكثـر الضـول = ولايسمـع الهـراج شــيٍ يقـولـة
واقـدم ولاتخبـر بماتفعـل الــزول = لن شفت كلٍ قام يشعب الذلـولة
وانا معك باالحـال جاهـز ومسـوؤل = عن خطـةٍ فـي هاالمجـال معمولـة
اما نجيب اللول مـن مصـدر اللـول = والا نـعـود واليـديـن مغسـولـة [/poem]