الحلوة زعـــلانه كيف أراضيها؟؟ قصيدة,.,

[رهين السهر]

هذه قصيدة متواضعة أرجو أن تحوز على رضاكم،،،
والمعنى بين أسطر القصيدة:
[poem=font="Simplified Arabic,4,black,bold,italic" bkcolor="transparent" bkimage="backgrounds/11.gif" border="solid,4,gray" type=1 line=0 align=center use=ex num="0,black"]
صابت الخاطر وقلبي وانكسر=صرت من عقبه مع العالم كسير
انظر بعيني بعد راح الصبر=نظرة اللي يقطع الشارع ضرير
ليش تزعل وانت لي كل الفخر=كلمةٍ راحت ولاتجرح عشير
كنت احسب انك بحر داخل بحر=تلهم الحيتان والقرش الكبير
ياحسافه صار في صدري قهر=هجر خلي جرح في قلبي خطير
كيف تهجر من سهر ليل السهر=كيف تجبرني على الصد المرير
كيف تهجر من نثر يمك زهر=كيف تترك من طوى لاجلك عسير
كيف تتركني وقدامي نهر=ماتخاف انه على جسمي يسير
كيف تتركني لصولات الدهر=كيف تتركني لنيران المصير
وين عهدك بالوفا طول العمر=عقب عهدك وش تبقَى وش يصير
انت شوقي انت كلي يابشر=انت روحي انت قلبي والامير
انت عمري انت نوري والقمر=انت في دنياي الاول والاخير
انت نفسي انت سمعي والبصر=انت فكري والتنفس والزفير
يمكن ارحل من ديارك في شهر=في عذابك عايشٍ عمري أسير[/poem]